Типирь можете прикапчати три выбрані відео до свого акаунта в Instagram

Похоже до того, як можете прикапчати свої выбрані публикації до профіла у Twitter авадь TikTok, та можете ай на Instagram профілови прикапчати до трьох выбраных відео. Они ся убстанут у верьхньому шорикови, гибы сьте йих лиш-лиш опубликовали.

Обы прикапчати відео до профіла, треба выкликати меню натиском на три цяткы пиля публикації, там вже буде нова опція — прикапчати до профіла (Pin to your profile). Кой ся вернете на сторӯнку свого профіла, та увидите тото відео у первому шорі публикацій.

Сяк знаєме, ож Instagram робили над сьов опційов щи из зачатка рока. Єден інженер, Алессандро Палузі, запримітив исю функцію щи у Януарови місяцьови, а вже пак потӯм сам Instagram проговорив ся за будучый запуск у Апрільови.

На днись бӯлшина хосновачӯв платформы кладут выбраный контент у закріплені історії (highlights), а вже типирь творцї контента будут мати щи єден інструмент обы ся даякый конкретный контент метав у очи.

Жерело: The Verge

Читайте нас на Twitter, Telegram тай Instagram