Уже мож забештеловати наперед автобіоґрафію Джона Ромеро

Джон Ромеро — леґендарный розробник бавок, котрый з 16 рокӯв устиг выдати веце ги 130 відеобавок. Вӯн єден из отцю̄в стрїлячок уд первої особы, спӯвавтор такых класичных серій ги DOOM, Quake, Wolfenstein 3D, Commander Keen.

Книжка «DOOM Guy: Life in First Person», дякувучи гіпертімезії Ромеро, наповнена детайлами из його жывота тай карьєры — туй найдете и історії за вто, як ун тігав си компютеры домӯв, обы поночи проґрамовати у ґаражови, и за вто, як ун ся посважав из спӯвзаложительом id Software Джоном Кармаком.

Книгу мож забештеловати на Amazon: ціфрова верзія стойит $10, фізична копія з твердов обкладков — $27. У бовтї Ромеро мож за 35€ узяти фізичну копію з автоґрафом автора. Выйде книжка онь у фебруарови 2023.

Жерело: 𝕵𝖔𝖍𝖓 𝕽𝖔𝖒𝖊𝖗𝖔 @ Twitter

Читайте нас на Twitter, Telegram тай Instagram