August 13, 2023
Saǵinǵanda.
Saǵinǵanda, siqilsiz
Suliw bolip kóriner.
Saǵinǵanda, jaqin jer
Buriw bolip kóriner.
Saǵinǵanda qara qiz
Appaq bolip kóriner.
Saǵinbasań, aqilli
Aqmaq bolip kóriner.
Saǵinǵanda jurtińniń
Bári gúl bop kóriner
Saǵinbaǵan adamǵa
Bári bir bop kóriner.
Saǵinǵanda óz úyiń
Beyish bolip kóriner
Saǵinbasań aytewir
Qonis bolip kóriner .
Saǵinǵanda, súygeniń
Tawis bolip kóriner
Saǵinbasań aytewir
Tanis bolip kóriner.
Saǵinǵanda, óz balań
Altin bolip kóriner,
Saǵinbasań, ol saǵan
Salqin bolip kóriner.
Saǵinǵanda, bári de
Táwir bolip kóriner,
Tuwispaǵan adam da
Bawir bolip kóriner.