August 13, 2023
Kúlki degen múlki bar.
Qaraqalpaqtiń nesi bar ,
Eń qimbatli jurti bar.
Kewiliniń xoshi bar ,
Kúlki degen múlki bar.
Otirǵandi dumanday ,
Jek kóredi qarakeń.
Waxaxasin aspanǵa ,
Jetkeredi qarakeń.
Kúlmese awzi qishiǵan ,
Kúlmese kelmes uyqisi.
Túrtip turar kúlkisi.
Kúliw ushin birlesip ,
Jámlenisip alistan.
Birin-biri izlesip ,
Basqilasip tabisqan.
Jilaǵansha kúlisip ,
Kewillerden shań ushar.
Basqilasip kórisip
Basqilasip daǵisar.
Bir kúlisip almasa ,
Diyxan sali ormaydi.
Waxaxasi bolmasa ,
Qaraqalpaq bolmaydi.