Мақтумқулы - Мүтәж әйлеме.

Қәдир Жаббар, сеннен тилегим кәндур,

Сен мени нәмәртке мүтәж әйлеме!

Ғәзийнеңнен мениң рызқым бергил,

Бендеңди бендеңе мүтәж әйлеме!

Адастырма туўры жолым игриге,

Игрини теңлеме ҳәргиз туўрыға,

Киси малы несип етпес уғрыға,

Ҳадалды ҳарамға мүтәж әйлеме!

Нәмәртлердиң көпиринен өтпеспен,

Кәрўан болсам, саўап истен қашпаспан,

Нәкәслер қолынан шарап ишпеспен,

Оң қолым сол қолға мүтәж әйлеме!

Сеннен жақсы нийет, тилегим көпдур,

Ашшы сөзлер дилден шыққан бир оқдур,

Туўысқан тең болмас бири-бирине,

Ағаны иниге мүтәж әйлеме!

Мақтумқулы, Ҳақтан тиле бәрини,

Тилер болсаң – тиле өз ийманыңды,

Абад әйле екки көзим нурыны,

Оң көзим шеп көзге мүтәж әйлеме!

@Kitap_me - onlayn kitapxana.