Четверг Второй седмицы
Трипеснец в Четверг Второй седмицы
Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.
Сла́ва Тебе́, Бо́же наш, сла́ва Тебе́.
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Яко Твое есть царство и сила, и слава во веки. Аминь.
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.
Псалом 50:
Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.
Кано́н трипе́снец. Гла́с 6.
Пе́снь 4
Ирмо́с: Услы́ша проро́к прише́ствие Твое́ Го́споди, и убоя́ся, я́ко хо́щеши от Де́вы роди́тися, и челове́ком яви́тися, и глаго́лаше: услы́шах слу́х тво́й и убоя́хся, сла́ва си́ле Твое́й Го́споди.
Припев: Слава Тебе Боже наш, слава Тебе.
Пия́нство сласте́й душетле́нных угаси́вше, умиле́ния питие́м, поста́ ра́ди угобзи́мся.
Припев: Слава Тебе Боже наш, слава Тебе.
Пости́ся душе́ невоздержа́ния сне́ди, наслади́ся до́брых виде́ньми, да вы́шнюю трапе́зу улучи́ши.
Припев: Слава Тебе Боже наш, слава Тебе.
У́глие огня́ невеще́ственнаго су́ще, попали́те страсте́й мои́х вещество́, боже́ственнии апо́столи Спа́совы.
Припев: Пресвята́я Богоро́дице, спаси́ на́с.
Богоро́дичен: Пло́ть Христу́ от Твоея́ взаи́м да́вшая, умертви́ пло́ти моея́ стра́сти, жизнороди́тельнице Чи́стая Де́во.
Припев: Слава Тебе Боже наш, слава Тебе.
Двоенадеся́тице апо́столов, Пе́тре, Па́вле, Иа́кове и Иоа́нне, Андре́е, Варфоломе́е, Фили́ппе, Фомо́ и Матфе́е и Иа́кове, с Си́моном и Иу́дою, моли́твы сотвори́те Христу́, спасти́ся на́м.
Припев: Слава Тебе Боже наш, слава Тебе.
Мре́жи уче́ний вве́ргше в мо́ре жития́ стра́нно, к трие́м сто́ и пятьдеся́т, та́йно язы́ки я́ко ры́бы пре́жде улови́сте, сия́ ко Го́споду приве́дше святи́и апо́столи.
Припев: Слава Тебе Боже наш, слава Тебе.
Вы́ есте́ све́т ми́ру, я́коже ва́м рече́ Христо́с, сия́нием сло́ва: но моли́теся апо́столи, великоду́шно препроводи́ти на́м по́прище воздержа́ния, и поклони́тися Того́ Воскре́снию.
Сла́ва, тро́ичен: Сы́на от Отца́ и Ду́ха сла́влю, я́ко от со́лнца све́т, и лучу́. О́ваго у́бо рожде́ственне, зане́ и рожде́ние: о́ваго же происхо́дне, зане́ и происхожде́ние, собезнача́льную Боже́ственную Тро́ицу, покланя́емую от вся́кия тва́ри.
И ныне. Богоро́дичен: Де́во Младе́нца роди́вшая, и чистоту́ соблю́дшая, Чи́стая Ты́ яви́лася еси́, Бо́га ро́ждши и Челове́ка, еди́наго Того́ во обою́ зра́ку: чу́до Твое́ Де́во Ма́ти, ужаса́ет вся́кий слу́х и по́мысл.
Пе́снь 8
Ирмо́с: Его́же во́инства небе́сная сла́вят, и трепе́щут херуви́ми и серафи́ми, вся́ко дыха́ние и тва́рь, по́йте, благослови́те, и превозноси́те во вся́ ве́ки.
Припев: Слава Тебе Боже наш, слава Тебе.
Умертви́вся мно́гими грехи́, ме́ртвую приношу́ ду́шу в житии́. те́мже мя́ уще́дрите живоно́сными моли́твами ва́шими богови́дцы, ученицы́ Спа́совы.
Припев: Слава Тебе Боже наш, слава Тебе.
Объя́т бы́в греха́ мгло́ю, а́ду прибли́жихся отча́яния вои́стинну. те́мже мя́ просвети́те, со́лнца сла́вы та́йныя лучы́, су́ще богови́дцы.
Припев: Слава Тебе Боже наш, слава Тебе.
От страсте́й воздержи́ся, и спаса́йся душе́ стра́стная: отложе́ние бо бра́шен, по́ст неприя́тный, пра́ве и́щущым, а́ще и прегреше́ний исправле́ние не бу́дет.
Припев: Пресвята́я Богоро́дице, спаси́ на́с.
Богоро́дичен: Купину́ огне́м горя́щую, Моисе́й Тя́ предзря́ше, Де́во Богома́ти. Те́мже угаси́ мои́х страсте́й пе́щь, и огня́ гее́нны исхити́ и спаси́.
Припев: Слава Тебе Боже наш, слава Тебе.
Из Иа́кова я́ко дванадесятоколе́нное, апо́стол из Тебе́ друга́я двоенадеся́тица яви́ся Христе́ в ми́ре, е́юже отроди́ся вся́кий ве́рный в сло́ве, Тебе́ воспева́яй во ве́ки.
Припев: Слава Тебе Боже наш, слава Тебе.
Мы́сленнаго фарао́на колесни́цы потопи́вше та́йне, я́ко в Чермне́м, лю́ди Госпо́дни к земли́ богове́дения изведо́сте пою́щыя, апо́столи, во ве́ки.
Припев: Слава Тебе Боже наш, слава Тебе.
Христо́вы таи́нницы и сопресто́льницы, приле́жно о на́с гре́шных всегда́ моля́щиися, и ны́не моли́те поще́ние все́ чи́сте преити́.
Слава. Тро́ичен: Еди́наго Бо́га по Существу́ чту́, три́ Ипоста́си пою́ определи́тельне, и́ныя, но не и́наковыя, поне́же Божество́ еди́но в трие́х Ли́цех: и́бо Оте́ц, и Сы́н, и Боже́ственный Ду́х.
И ныне. Богоро́дичен: Из светле́йшаго чре́ва Твоего́ проше́д, я́ко Жени́х из черто́га возсия́ Христо́с, све́т ве́лий су́щым во тьме́, и́бо пра́вды Со́лнце облиста́в, просвети́ Чи́стая ми́р.
Пе́снь 9
Ирмо́с: Безсе́меннаго зача́тия Рождество́ несказа́нное, Ма́тере безму́жныя нетле́нен Пло́д: Бо́жие бо Рожде́ние обновля́ет естества́, те́мже Тя́ вси́ ро́ди, я́ко Богоневе́стную Ма́терь, правосла́вно велича́ем.
Припев: Слава Тебе Боже наш, слава Тебе.
Ре́ки бы́вше апо́столи, исто́чника у́мнаго, и во́ду живу́ю благоисточи́вше се́рдцем чи́стым, моего́ греха́ струи́ изсуши́те моли́твами ва́шими, и ко спасе́ния путе́м наста́вите.
Припев: Слава Тебе Боже наш, слава Тебе.
Грехо́вная обурева́ет бу́ря окая́нную мою́ ду́шу, десни́цу я́ко Петру́ мне́ простри́, Окорми́телю благи́й: да мя́ глубина́ не покры́ет отча́яния, сне́дь да не бу́ду ки́ту душетле́нному, Христе́ Многоми́лостиве.
Припев: Слава Тебе Боже наш, слава Тебе.
Апо́стольский ли́к мо́лит Тя́ Иису́се Всецарю́, мо́лят Тя́ а́нгельстии чи́ни за мно́жество щедро́т, лю́дем Твои́м пода́ждь злы́х избавле́ние, жития́ исправле́ние, и Ца́рствия Твоего́ присвое́ние.
Припев: Пресвята́я Богоро́дице, спаси́ на́с.
Богоро́дичен: Де́вство и рождество́ стеко́стася па́че естества́ на Тебе́, ковче́же честна́го освяще́ния, Ма́ти Де́во Чи́стая. Те́мже ве́рою вопию́ Ти: всего́ мя́ освяти́, всего́ изба́ви вся́каго де́йства страсте́й оскорбля́ющих мя́.
Припев: Слава Тебе Боже наш, слава Тебе.
В ми́ре я́ко безпло́тнии, и во пло́ти я́ко а́нгели, сло́во еди́но в се́рдце нося́ще, привлеко́сте язы́ки во Христо́ву еди́ну ве́ру, прему́дрыя и вети́и я́ко юро́ди обличи́вше ра́зумом, всеблаже́ннии апо́столи.
Припев: Слава Тебе Боже наш, слава Тебе.
Пе́тре, ве́ры ка́меню, и основа́ние: Па́вле пропове́дниче, и учи́телю язы́ков: сы́на Зеведе́ова, с про́чею осмери́цею Христу́ моли́теся приле́жно, благомо́щно преити́ на́м поще́ния по́прище.
Припев: Слава Тебе Боже наш, слава Тебе.
Си́лою Ду́ха к царе́м и князе́м изше́дше, ника́коже убоя́вшеся, ни огня́, ни меча́, победи́сте вся́кую пре́лесть, и спаса́ете челове́ки, воево́ды Госпо́дни су́ще, всеблаже́ннии апо́столи.
Сла́ва, тро́ичен: Еди́наго единороди́телю, единоро́днаго Сы́на О́тче, и еди́не еди́наго све́те, све́та сия́ние: и еди́ный еди́не еди́наго Бо́га, Святы́й Ду́ше, Го́спода Госпо́дь вои́стинну сы́й. О Тро́ице, Еди́нице Свята́я, спаси́ мя́ богосло́вяща Тя́.
И ныне, Богоро́дичен: Чу́до рождества́ Твоего́ удивля́ет мя́ Всенепоро́чная, ка́ко зачина́еши безсе́менно необыме́ннаго; рцы́, ка́ко де́вствуеши, ро́ждши я́ко Ма́ти; е́же па́че естества́ ве́рою прие́м, Рожде́нному поклони́ся: ели́ка хо́щет бо, и мо́жет.
Ирмо́с: Безсе́меннаго зача́тия Рождество́ несказа́нное, Ма́тере безму́жныя нетле́нен Пло́д: Бо́жие бо Рожде́ние обновля́ет естества́, те́мже Тя́ вси́ ро́ди, я́ко Богоневе́стную Ма́терь, правосла́вно велича́ем.
На шестом часе
(Исаия 6:1-12)
В год смерти царя Озии видел я Господа, сидящего на престоле высоком и превознесенном, и края риз Его наполняли весь храм. Вокруг Него стояли Серафимы; у каждого из них по шести крыл: двумя закрывал каждый лице свое, и двумя закрывал ноги свои, и двумя летал. И взывали они друг ко другу и говорили: Свят, Свят, Свят Господь Саваоф! вся земля полна славы Его! И поколебались верхи врат от гласа восклицающих, и дом наполнился курениями. И сказал я: горе мне! погиб я! ибо я человек с нечистыми устами, и живу среди народа также с нечистыми устами, - и глаза мои видели Царя, Господа Саваофа. Тогда прилетел ко мне один из Серафимов, и в руке у него горящий уголь, который он взял клещами с жертвенника, и коснулся уст моих и сказал: вот, это коснулось уст твоих, и беззаконие твое удалено от тебя, и грех твой очищен. И услышал я голос Господа, говорящего: кого Мне послать? и кто пойдет для Нас? И я сказал: вот я, пошли меня. И сказал Он: пойди и скажи этому народу: слухом услышите - и не уразумеете, и очами смотреть будете - и не увидите. Ибо огрубело сердце народа сего, и ушами с трудом слышат, и очи свои сомкнули, да не узрят очами, и не услышат ушами, и не уразумеют сердцем, и не обратятся, чтобы Я исцелил их. И сказал я: надолго ли, Господи? Он сказал: доколе не опустеют города, и останутся без жителей, и домы без людей, и доколе земля эта совсем не опустеет. И удалит Господь людей, и великое запустение будет на этой земле.
На вечерне
(Бытие 5:1-24)
Вот родословие Адама: когда Бог сотворил человека, по подобию Божию создал его, мужчину и женщину сотворил их, и благословил их, и нарек им имя: человек, в день сотворения их. Адам жил сто тридцать [230] лет и родил [сына] по подобию своему [и] по образу своему, и нарек ему имя: Сиф. Дней Адама по рождении им Сифа было восемьсот [700] лет, и родил он сынов и дочерей. Всех же дней жизни Адамовой было девятьсот тридцать лет; и он умер. Сиф жил сто пять [205] лет и родил Еноса. По рождении Еноса Сиф жил восемьсот семь [707] лет и родил сынов и дочерей. Всех же дней Сифовых было девятьсот двенадцать лет; и он умер. Енос жил девяносто [190] лет и родил Каинана. По рождении Каинана Енос жил восемьсот пятнадцать [715] лет и родил сынов и дочерей. Всех же дней Еноса было девятьсот пять лет; и он умер. Каинан жил семьдесят [170] лет и родил Малелеила. По рождении Малелеила Каинан жил восемьсот сорок [740] лет и родил сынов и дочерей. Всех же дней Каинана было девятьсот десять лет; и он умер. Малелеил жил шестьдесят пять [165] лет и родил Иареда. По рождении Иареда Малелеил жил восемьсот тридцать [730] лет и родил сынов и дочерей. Всех же дней Малелеила было восемьсот девяносто пять лет; и он умер. Иаред жил сто шестьдесят два года и родил Еноха. По рождении Еноха Иаред жил восемьсот лет и родил сынов и дочерей. Всех же дней Иареда было девятьсот шестьдесят два года; и он умер. Енох жил шестьдесят пять [165] лет и родил Мафусала. И ходил Енох пред Богом, по рождении Мафусала, триста [200] лет и родил сынов и дочерей. Всех же дней Еноха было триста шестьдесят пять лет. И ходил Енох пред Богом; и не стало его, потому что Бог взял его.
(Притчи 6:1-20)
Сын мой! если ты поручился за ближнего твоего и дал руку твою за другого, - ты опутал себя словами уст твоих, пойман словами уст твоих. Сделай же, сын мой, вот что, и избавь себя, так как ты попался в руки ближнего твоего: пойди, пади к ногам и умоляй ближнего твоего; не давай сна глазам твоим и дремания веждам твоим; спасайся, как серна из руки и как птица из руки птицелова. Пойди к муравью, ленивец, посмотри на действия его, и будь мудрым. Нет у него ни начальника, ни приставника, ни повелителя; но он заготовляет летом хлеб свой, собирает во время жатвы пищу свою. [Или пойди к пчеле и познай, как она трудолюбива, какую почтенную работу она производит; ее труды употребляют во здравие и цари и простолюдины; любима же она всеми и славна; хотя силою она слаба, но мудростью почтена.] Доколе ты, ленивец, будешь спать? когда ты встанешь от сна твоего? Немного поспишь, немного подремлешь, немного, сложив руки, полежишь: и придет, как прохожий, бедность твоя, и нужда твоя, как разбойник. [Если же будешь не ленив, то, как источник, придет жатва твоя; скудость же далеко убежит от тебя.] Человек лукавый, человек нечестивый ходит со лживыми устами, мигает глазами своими, говорит ногами своими, дает знаки пальцами своими; коварство в сердце его: он умышляет зло во всякое время, сеет раздоры. Зато внезапно придет погибель его, вдруг будет разбит - без исцеления. Вот шесть, что ненавидит Господь, даже семь, что мерзость душе Его: глаза гордые, язык лживый и руки, проливающие кровь невинную, сердце, кующее злые замыслы, ноги, быстро бегущие к злодейству, лжесвидетель, наговаривающий ложь и сеющий раздор между братьями. Сын мой! храни заповедь отца твоего и не отвергай наставления матери твоей.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. (Поклон земной.)
Дух же целому́дрия, смиренному́дрия, терпе́ния, и любве́, да́руй ми рабу́ Твоему́. (Поклон земной.)
Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (Поклон земной.)
Таже малых 12, глаголюще на кийждо поклон: Бо́же, очи́сти мя гре́шнаго.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. Дух же целому́дрия, смиренному́дрия, терпе́ния, и любве́, да́руй ми рабу́ Твоему́. Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (И поклон един великий.)
Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
Таже: Сла́ва, и ны́не: Го́споди, поми́луй, трижды.
Го́споди, Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, помилуй и спаси́ мя, гре́шнаго. Аминь.