Понедельник Второй седмицы
Трипеснец в Понедельник Второй седмицы
Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.
Сла́ва Тебе́, Бо́же наш, сла́ва Тебе́.
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.
Псалом 50:
Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.
Кано́н трипе́снец. Гла́с 6.
Пе́снь 1
Ирмо́с: Помо́щник и покрови́тель бы́сть мне́ во спасе́ние, се́й мо́й Бо́г, и просла́влю Его́, Бо́г отца́ моего́, и вознесу́ Его́: сла́вно бо просла́вися.
Припев: Слава Тебе Боже наш, слава Тебе.
Еди́не благи́й, исто́чниче ми́лости, А́гнче Бо́жий, взе́мляй я́ко Бо́г ми́ра согреше́ния, спаси́ мя́ грехо́в треволне́нием погружа́ема, к приста́нищу покая́ния наставля́я мя́.
Припев: Слава Тебе Боже наш, слава Тебе.
По́ст чи́стый, удале́ние греха́, отчужде́ние страсте́й, любо́вь к Бо́гу, моли́твы прилежа́ние, сле́зы со умиле́нием, и о убо́гих попече́ние, Христо́с в писа́ниих завеща́.
Припев: Слава Тебе Боже наш, слава Тебе.
Уя́звлена душе́ю, грехо́вным ору́жием, и ура́нена су́ща мно́гими злы́ми, Врачу́ ду́ш на́ших, исцели́ я́ко Благоде́тель, наложи́в мне́ лека́рства му́дрых за́поведей Твои́х Человеколю́бче.
Припев: Пресвята́я Богоро́дице, спаси́ на́с.
Богоро́дичен: Нескве́рная Ски́ние, Пресвята́я Де́во, оскверне́ннаго мя́ лю́тых страсте́й наведе́ньми, исто́чником ми́лости Твоея́ очи́сти, и да́ждь ми́ умиле́ния ту́чы Влады́чице, греха́ глубину́ потребля́ющи.
Припев: Слава Тебе Боже наш, слава Тебе.
Я́ко попра́здничную ра́дость, и втору́ю седми́цу светотво́рных посто́в бра́тие прии́мше, любо́вию воспои́м Христа́, Боже́ственно веселя́щеся.
Припев: Слава Тебе Боже наш, слава Тебе.
Умиле́ния вре́мя по́стное ны́не обре́тше, воспла́чим зе́льно и воздохне́м, и воздежи́м ру́це ко Еди́ному Изба́вителю: е́же спасти́ ду́шы на́шя.
Припев: Слава Тебе Боже наш, слава Тебе.
Я́ко понесу́ гне́в Тво́й Христе́ мо́й, егда́ на су́д прии́деши; ко́е же обре́т сло́во да́м та́мо, не соде́яв, ни сотвори́в Твою́ во́лю Христе́: те́мже пре́жде конца́ осла́би ми́.
Сла́ва, тро́ичен: Триипоста́сная Еди́нице, нача́льнейшая Госпоже́ все́х, совершеннонача́льная, пренача́льная, Сама́ на́с спаси́, О́тче, и Сы́не, и Ду́ше Пресвяты́й.
И ныне. Богоро́дичен: Кто́ роди́ Сы́на невсе́яна О́тчим зако́ном; Сего́ у́бо ражда́ет Оте́ц без ма́тере: пресла́вное чу́до, Ты́ бо родила́ еси́ чи́стая, Бо́га вку́пе и Челове́ка.
Пе́снь 8
Ирмо́с: Его́же во́инства Небе́сная сла́вят, и трепе́щут Херуви́ми и Серафи́ми, вся́ко дыха́ние и тва́рь, по́йте, благослови́те и превозноси́те во вся́ ве́ки.
Припев: Слава Тебе Боже наш, слава Тебе.
Мимоходя́ жития́ непостоя́нное, в разбо́йническия по́мыслы впадо́х, и уя́звлен возсмерде́хся: Врачу́ неду́гующих, да́ждь ми́ ру́ку, святы́х Твои́х все́х мольба́ми.
Припев: Слава Тебе Боже наш, слава Тебе.
Лю́таго греха́ бу́ря мое́ помышле́ние смуща́ет, я́коже Петра́ спаси́ мя́ Иису́се, пою́ща: вся́ дела́ благослови́те, по́йте Го́спода.
Припев: Слава Тебе Боже наш, слава Тебе.
Воздержа́нием стра́сти умертви́м, поще́нием ду́х впери́м к небеси́, и воззове́м умиле́нием се́рдца: согреши́хом Ти́ Бо́же, я́ко ще́дрый прости́.
Припев: Пресвята́я Богоро́дице, спаси́ на́с.
Богоро́дичен: Во чре́во Твое́ всели́вся Вы́шний, небе́с ши́ршую Тя́ показа́, и предста́тельство необори́мое вопию́щих Де́во: вся́ дела́ благослови́те, по́йте Го́спода.
Припев: Слава Тебе Боже наш, слава Тебе.
Страсте́й мучи́тельством Го́споди, не порабоще́ну ду́шу мою́ покажи́: да свобо́дно творя́ во́лю Твою́ ра́дуюся, и сла́влю держа́ву Твою́ во ве́ки.
Припев: Слава Тебе Боже наш, слава Тебе.
Иса́вово невоздержа́ние возненави́ждь душе́ моя́, и Иа́ковлим ревну́й до́брым дело́м, обольсти́ Велиа́ра воздержа́нием, обогати́ся Боже́ственными, и воспо́й во ве́ки.
Припев: Слава Тебе Боже наш, слава Тебе.
Во́ду пия́й никто́же обезу́мися, яви́ся же Но́е на́г вино́м иску́шься: се́мена же зло́бы Ло́т отсю́ду ражда́ет. Бе́гай о душе́ моя́ си́х подража́ния, Христа́ пою́щи.
Слава. Тро́ичен: Еди́наго Бо́га по существу́ почита́ю, Три́ Ипоста́си пою́ определи́тельно, и́ныя, но не и́накия. Поне́же Божество́ Еди́но, и Еди́на в Трие́х держа́ва: и́бо Оте́ц, Сы́н и Ду́х.
И ныне. Богоро́дичен: Из све́тлыя проше́д утро́бы Твоея́, я́ко Жени́х от черто́га, возсия́ Христо́с, све́т су́щым во тьме́ вели́кий: и́бо Пра́вды Со́лнце облиста́в просвети́ чи́стая ми́р.
Пе́снь 9
Ирмо́с: Безсе́меннаго зача́тия Рождество́ несказа́нное, Ма́тере безму́жныя нетле́нен Пло́д: Бо́жие бо рожде́ние обновля́ет естества́. Те́мже Тя́ вси́ ро́ди, я́ко Богоневе́стную Ма́терь, правосла́вно велича́ем.
Припев: Слава Тебе Боже наш, слава Тебе.
Пости́мся от страсте́й гне́ва, наслади́мся любве́ нело́жныя, напита́им убо́гия хле́бом, боже́ственною пита́еми благода́тию, и слеза́ми сле́зы угаси́м бу́дущаго изрече́ния.
Припев: Слава Тебе Боже наш, слава Тебе.
Окая́нная душе́ воздохни́, се́туй, покая́ния о́бразы покажи́, ны́не при две́рех де́нь, судя́й нелицеме́рно седи́т, кому́ждо отдава́я досто́йная соде́янных, я́коже пи́сано е́сть.
Припев: Слава Тебе Боже наш, слава Тебе.
Не стяжа́х дея́ний благи́х, оскверни́х ри́зу, ю́же прия́х, боже́ственнаго креще́ния одея́ние: во тьме́ неве́дения хожду́: све́том мя́ лица́ Твоего́ Го́споди, отча́яна ны́не испра́ви.
Припев: Пресвята́я Богоро́дице, спаси́ на́с.
Богоро́дичен: Мари́е Госпоже́ вся́ческих, вся́ким мя́ грехо́м порабоще́на, Ты́ свободи́ Де́во, Свободи́теля ду́ш на́ших поро́ждшая: ты́ бо па́че сло́ва родила́ еси́ Существи́тельную Бла́гость.
Припев: Слава Тебе Боже наш, слава Тебе.
Ны́не злопостра́ждим я́ко во́ини Христо́вы: ели́ко бо ели́ко вре́мя мимохо́дит, венцы́ плету́тся подвиза́ющымся, я́же возда́ст Христо́с, егда́ прии́дет со сла́вою а́нгельскою суди́ти все́й земли́.
Припев: Слава Тебе Боже наш, слава Тебе.
Ве́сь уязви́хся, ве́сь, Христе́ мо́й, острупи́хся, исцели́ моя́ гно́йныя я́звы, страстна́я угрызе́ния су́щая от греха́, да услы́шу, я́ко прокаже́нный, гла́с Тво́й святы́й: я́ко хощу́, очи́стися.
Припев: Слава Тебе Боже наш, слава Тебе.
По́ст Моисе́а Богови́дца соде́ла, Илию́ дре́вле пла́меннаго воза́тая, Па́вла же, душе́ моя́, стра́шнаго неботе́чника. Те́мже пости́мся от зло́б, и на высоту́ безстра́стия и мы́ восхи́тимся.
Сла́ва, тро́ичен: Еди́наго Единороди́телю, Единоро́днаго Сы́на О́тче: и Еди́не Еди́наго Све́те, Све́та сия́ние: и Еди́ный Еди́не Еди́наго Бо́га, Святы́й Ду́ше, Го́спода Госпо́дь вои́стинну сы́й: о Тро́ице Еди́нице Свята́я, спаси́ мя́ богосло́вяща Тя́.
И ныне, Богоро́дичен: Чу́до рождества́ твоего́ ужаса́ет мя́, всенепоро́чная, ка́ко зачина́еши безсе́менно непостижи́маго; рцы́, ка́ко де́вствуеши, ро́ждши я́ко Ма́ти; е́же па́че естества́ ве́рою прие́мь, рожде́нному поклони́ся, ели́ка хо́щет бо, и мо́жет.
Ирмо́с: Безсе́меннаго зача́тия Рождество́ несказа́нное, Ма́тере безму́жныя нетле́нен Пло́д: Бо́жие бо рожде́ние обновля́ет естества́. Те́мже Тя́ вси́ ро́ди, я́ко Богоневе́стную Ма́терь, правосла́вно велича́ем.
На шестом часе
(Исаия 4:1-5:7)
И ухватятся семь женщин за одного мужчину в тот день, и скажут: “свой хлеб будем есть и свою одежду будем носить, только пусть будем называться твоим именем, - сними с нас позор”. В тот день отрасль Господа явится в красоте и чести, и плод земли - в величии и славе, для уцелевших сынов Израиля. Тогда оставшиеся на Сионе и уцелевшие в Иерусалиме будут именоваться святыми, все вписанные в книгу для житья в Иерусалиме, когда Господь омоет скверну дочерей Сиона и очистит кровь Иерусалима из среды его духом суда и духом огня. И сотворит Господь над всяким местом горы Сиона и над собраниями ее облако и дым во время дня и блистание пылающего огня во время ночи; ибо над всем чтимым будет покров. И будет шатер для осенения днем от зноя и для убежища и защиты от непогод и дождя. Воспою Возлюбленному моему песнь Возлюбленного моего о винограднике Его. У Возлюбленного моего был виноградник на вершине утучненной горы, и Он обнес его оградою, и очистил его от камней, и насадил в нем отборные виноградные лозы, и построил башню посреди его, и выкопал в нем точило, и ожидал, что он принесет добрые грозды, а он принес дикие ягоды. И ныне, жители Иерусалима и мужи Иуды, рассудите Меня с виноградником Моим. Что еще надлежало бы сделать для виноградника Моего, чего Я не сделал ему? Почему, когда Я ожидал, что он принесет добрые грозды, он принес дикие ягоды? Итак Я скажу вам, что сделаю с виноградником Моим: отниму у него ограду, и будет он опустошаем; разрушу стены его, и будет попираем, и оставлю его в запустении: не будут ни обрезывать, ни вскапывать его, - и зарастет он тернами и волчцами, и повелю облакам не проливать на него дождя. Виноградник Господа Саваофа есть дом Израилев, и мужи Иуды - любимое насаждение Его. И ждал Он правосудия, но вот - кровопролитие; ждал правды, и вот - вопль.
На вечерне
(Бытие 3:21-4:7)
И сделал Господь Бог Адаму и жене его одежды кожаные и одел их. И сказал Господь Бог: вот, Адам стал как один из Нас, зная добро и зло; и теперь как бы не простер он руки своей, и не взял также от дерева жизни, и не вкусил, и не стал жить вечно. И выслал его Господь Бог из сада Едемского, чтобы возделывать землю, из которой он взят. И изгнал Адама, и поставил на востоке у сада Едемского Херувима и пламенный меч обращающийся, чтобы охранять путь к дереву жизни. Адам познал Еву, жену свою; и она зачала, и родила Каина, и сказала: приобрела я человека от Господа. И еще родила брата его, Авеля. И был Авель пастырь овец, а Каин был земледелец. Спустя несколько времени, Каин принес от плодов земли дар Господу, и Авель также принес от первородных стада своего и от тука их. И призрел Господь на Авеля и на дар его, а на Каина и на дар его не призрел. Каин сильно огорчился, и поникло лице его. И сказал Господь [Бог] Каину: почему ты огорчился? и отчего поникло лице твое? если делаешь доброе, то не поднимаешь ли лица? а если не делаешь доброго, то у дверей грех лежит; он влечет тебя к себе, но ты господствуй над ним.
(Притчи 3:34-4:22)
Если над кощунниками Он посмевается, то смиренным дает благодать. Мудрые наследуют славу, а глупые - бесславие. Слушайте, дети, наставление отца, и внимайте, чтобы научиться разуму, потому что я преподал вам доброе учение. Не оставляйте заповеди моей. Ибо и я был сын у отца моего, нежно любимый и единственный у матери моей, и он учил меня и говорил мне: да удержит сердце твое слова мои; храни заповеди мои, и живи. Приобретай мудрость, приобретай разум: не забывай этого и не уклоняйся от слов уст моих. Не оставляй ее, и она будет охранять тебя; люби ее, и она будет оберегать тебя. Главное - мудрость: приобретай мудрость, и всем имением твоим приобретай разум. Высоко цени ее, и она возвысит тебя; она прославит тебя, если ты прилепишься к ней; возложит на голову твою прекрасный венок, доставит тебе великолепный венец. Слушай, сын мой, и прими слова мои, - и умножатся тебе лета жизни. Я указываю тебе путь мудрости, веду тебя по стезям прямым. Когда пойдешь, не будет стеснен ход твой, и когда побежишь, не споткнешься. Крепко держись наставления, не оставляй, храни его, потому что оно - жизнь твоя. Не вступай на стезю нечестивых и не ходи по пути злых; оставь его, не ходи по нему, уклонись от него и пройди мимо; потому что они не заснут, если не сделают зла; пропадает сон у них, если они не доведут кого до падения; ибо они едят хлеб беззакония и пьют вино хищения. Стезя праведных - как светило лучезарное, которое более и более светлеет до полного дня. Путь же беззаконных - как тьма; они не знают, обо что споткнутся. Сын мой! словам моим внимай, и к речам моим приклони ухо твое; да не отходят они от глаз твоих; храни их внутри сердца твоего: потому что они жизнь для того, кто нашел их, и здравие для всего тела его.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. (Поклон земной.)
Дух же целому́дрия, смиренному́дрия, терпе́ния, и любве́, да́руй ми рабу́ Твоему́. (Поклон земной.)
Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (Поклон земной.)
Таже малых 12, глаголюще на кийждо поклон: Бо́же, очи́сти мя гре́шнаго.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. Дух же целому́дрия, смиренному́дрия, терпе́ния, и любве́, да́руй ми рабу́ Твоему́. Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (И поклон един великий.)
Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
Таже: Сла́ва, и ны́не: Го́споди, поми́луй, трижды.
Го́споди, Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, помилуй и спаси́ мя, гре́шнаго. Аминь.