Вторник Второй седмицы
Трипеснец во Вторник Второй седмицы
Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.
Сла́ва Тебе́, Бо́же наш, сла́ва Тебе́.
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Яко Твое есть царство и сила, и слава во веки. Аминь.
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.
Псалом 50:
Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.
Кано́н трипе́снец. Гла́с 8.
Пе́снь 2
Ирмо́с: Ви́дите ви́дите, я́ко А́з е́смь Бо́г ва́ш, пре́жде ве́к рожде́нный от Отца́, и от Де́вы в после́дняя без му́жа заче́ншийся, и разруши́вый гре́х пра́отца Ада́ма, я́ко Человеколю́бец.
Припев: Слава Тебе Боже наш, слава Тебе.
Воздохни́, прослези́ся душе́, обрати́ся, пока́йся: прибли́жися де́нь, при две́рех Судия́, ко отве́ту гото́вися, и возопи́й: согреши́х Ти́ Ще́дрый, Ми́лостиве, Благи́й, Ты́ мя́ уще́дри.
Припев: Слава Тебе Боже наш, слава Тебе.
Не сы́тость греха́ душе́ моя́ возненави́ждь всегуби́тельную, наслади́ся сы́тостию поста́ приле́жно, спаси́тельныя за́поведи сне́дь сотвори́, наслажде́ние исхода́тайствующыя ве́чных бла́г, ве́рою.
Припев: Слава Тебе Боже наш, слава Тебе.
А́нгели, си́лы, нача́ла, арха́нгели, госпо́дьства, престо́ли, вла́сти, херуви́ми и серафи́ми, Благода́вца и Бо́га моли́те, проще́ние долго́в и страсте́й премене́ние дарова́ти на́м.
Припев: Пресвята́я Богоро́дице, спаси́ на́с.
Богоро́дичен: Еди́на ро́ждшая безнача́льное Сло́во Всенепоро́чная, из Тебе́ воплоще́ннаго непрело́жнаго, е́же бе́, пребы́вшая Де́вою по рождестве́ Безневе́стная, моли́ о все́х, изба́витися от тли́ жи́зни на́шей.
Припев: Слава Тебе Боже наш, слава Тебе.
Уви́дехом, позна́хом, я́ко бла́го на́м в покая́ние вре́мя, е́же определи́л еси́: но в се́м приими́ Бо́же, моли́твы на́шя, и испра́ви пред Тобо́ю Ще́дре, я́ко кади́ло до́брое, я́ко же́ртву прия́тную.
Припев: Слава Тебе Боже наш, слава Тебе.
Ужаса́юся и бою́ся, помышля́я, ели́ка согреши́х: ка́ко Тя́ усря́щу; ка́ко явлю́ся Тебе́ стра́шне; ка́ко же предста́ну неумы́тному Твоему́ суди́щу; те́мже пощади́ мя́ Ще́дре, в ча́с, егда́ и́маши суди́ти все́й земли́.
Припев: Слава Тебе Боже наш, слава Тебе.
Ты́ ниневи́тяны пока́явшыяся и пости́вшыяся, от запреще́ннаго изве́л еси́ гне́ва: содо́мляны же огне́м поже́гл еси́ в пресыще́нии блудя́щыя: но изба́ви мя́ Христе́, преще́ния и́х.
Сла́ва, тро́ичен: Пресоверше́нная Еди́нице, Пребоже́ственная, Триипоста́сная, нерожде́нне О́тче, и Сы́не Единоро́дне, Ду́ше от Отца́ исходя́й, Сы́ном же явля́яйся: Существо́ еди́но и Естество́, госпо́дьство, Ца́рство, спаси́ все́х на́с.
И ныне. Богоро́дичен: Неизглаго́ланное чу́до Твоего́ рождества́, Ма́ти Де́во: ка́ко бо и ражда́еши, и чиста́ еси́ в то́мже; ка́ко Отроча́ ражда́еши, и не ве́си иску́са му́жеска отню́д; я́коже ве́сть па́че естества́ от Мене новоле́пно, Сло́во Бо́жие ро́ждшееся.
Пе́снь 8
Ирмо́с: На горе́ святе́й просла́вльшася, и в купине́ огне́м Присноде́вы Моисе́ови та́йну я́вльшаго, Го́спода по́йте, и превозноси́те во вся́ ве́ки.
Припев: Слава Тебе Боже наш, слава Тебе.
Оправда́вый воздохну́вша мытаря́, уще́дривый блудни́цу от се́рдца слези́вшую, спаси́ уще́дри Спа́се, ду́шы пою́щих Тя́.
Припев: Слава Тебе Боже наш, слава Тебе.
Плодоно́сим дея́ния доброде́тельная посто́м Го́сподеви, и вре́дных отдаля́ющеся помышле́ний, да боже́ственную сла́дость получи́м.
Припев: Слава Тебе Боже наш, слава Тебе.
А́нгельстии ли́цы мо́лят Тя́, апо́стольстии собо́ри, и му́чеников чи́ни, Иису́се, лю́дем Твои́м проще́ние да́руй.
Припев: Пресвята́я Богоро́дице, спаси́ на́с.
Богоро́дичен: Несеко́мую го́ру Де́ву, светоно́сный све́щник, благопрехо́дную ле́ствицу, Бо́жие вмести́лище ве́рнии ублажи́м.
Припев: Слава Тебе Боже наш, слава Тебе.
В наро́читый де́нь воздержа́ния, прииди́те вси́ востру́бим в пе́снех: и я́ко сла́достию боже́ственною учрежда́ющеся, пе́сньми пои́м Го́спода, и превозно́сим во вся́ ве́ки.
Припев: Слава Тебе Боже наш, слава Тебе.
Кто́ снеда́ет челове́ка Бо́жия дре́вле; зве́рь ле́в, от ле́сти проро́чи преслуша́ния сне́ди прии́мша: блюди́ у́бо душе́ моя́, да тя́ не прельсти́т чревобе́сия зми́й.
Припев: Слава Тебе Боже наш, слава Тебе.
По́ст я́ко храни́теля чистоты́ и ма́терь безстра́стия почита́юще, прииди́те лю́дие от любве́ целу́им, Го́спода пою́ще, и превознося́ще во вся́ ве́ки.
Слава. Тро́ичен: Я́ко Еди́ницу Существо́м пою́ Тя, я́ко Тро́ицу Ли́цы Тя́ чту́, О́тче, и Сы́не, и Ду́ше Пресвяты́й, безнача́льную держа́ву Твоего́ Ца́рствия сла́влю во ве́ки.
И ныне. Богоро́дичен: Ты́ гора́ Бо́жия яви́лася еси́ Богоро́дице, в ню́же Христо́с всели́вся, Боже́ственныя хра́мы соде́ла пою́щыя: Го́спода по́йте, и превозноси́те во вся́ ве́ки.
Пе́снь 9
Ирмо́с: Проявле́нное на горе́ законополо́жнику во огни́ и купине́, Рождество́ Присноде́вы, в на́ше ве́рных спасе́ние, пе́сньми немо́лчными велича́ем.
Припев: Слава Тебе Боже наш, слава Тебе.
До́брый по́ст утучня́ющий се́рдце, кла́с зре́лый доброде́телей боже́ственно прозяба́ет: его́же возлю́бим, во святы́х дне́х освяще́ние прие́млюще.
Припев: Слава Тебе Боже наш, слава Тебе.
Во гресе́х мно́гих оскверне́на, уя́звена зря́ и осужде́на, Ми́лостиве, Твое́ю ми́лостию уще́дрив, спаси́ мя́ моли́твами святы́х Твои́х.
Припев: Слава Тебе Боже наш, слава Тебе.
Увы́ всеокая́нная душе́, ка́ко отвеща́еши; ки́й стра́х тя́ прии́мет Судии́ седя́щу, тьма́м предстоя́щым а́нгелов; потщи́ся у́бо, пре́жде конца́ пока́йся.
Припев: Пресвята́я Богоро́дице, спаси́ на́с.
Богоро́дичен: Ца́рскую колесни́цу, све́тлый о́блак, го́ру ту́чную, го́ру усыре́нную, браконеиску́сная мо́лим Тя́ Де́во, исцели́ стра́сти ду́ш на́ших.
Припев: Слава Тебе Боже наш, слава Тебе.
И́стинным посто́м пости́мся Го́сподеви, я́ко бра́шен воздержа́щеся, язы́ка, я́рости, и лжи́, и вся́кия ины́я стра́сти очужди́мся, да чи́сте Па́сху у́зрим.
Припев: Слава Тебе Боже наш, слава Тебе.
Ты́ Саму́ила процвети́л еси́ пло́д по́сте: ты́ воспита́л еси́ Сампсо́на вели́каго хра́бра, ты́ соверша́еши свяще́нники и проро́ки: ты́ на́с освяти́ по́сте честны́й.
Припев: Слава Тебе Боже наш, слава Тебе.
Иму́ще Ду́ха Свята́го, поста́ гости́теля бога́тна, Того́ дарова́ний насы́тимся, и бога́тно наслади́мся, Того́ воспева́юще я́ко Бо́га на́шего.
Сла́ва, тро́ичен: Трисве́тлое Го́споди, твоего́ единонача́лия, све́тлыми сия́ньми во у́м на́ш облиста́й от пре́лести многообра́зныя обраща́тися на́м к соедини́тельному обоже́нию.
И ныне, Богоро́дичен: Ты́ еси́ Богоро́дице ору́жие на́ше, и стена́, Ты́ еси́ заступле́ние, к Тебе́ притека́ющих. Тя́ и ны́не в моли́тву дви́жем, да изба́вимся враго́в на́ших.
Ирмо́с: Проявле́нное на горе́ законополо́жнику во огни́ и купине́, Рождество́ Присноде́вы, в на́ше ве́рных спасе́ние, пе́сньми немо́лчными велича́ем.
На шестом часе
(Исаия 5:7-16)
Виноградник Господа Саваофа есть дом Израилев, и мужи Иуды - любимое насаждение Его. И ждал Он правосудия, но вот - кровопролитие; ждал правды, и вот - вопль. Горе вам, прибавляющие дом к дому, присоединяющие поле к полю, так что другим не остается места, как будто вы одни поселены на земле. В уши мои сказал Господь Саваоф: многочисленные домы эти будут пусты, большие и красивые - без жителей; десять участков в винограднике дадут один бат, и хомер посеянного зерна едва принесет ефу. Горе тем, которые с раннего утра ищут сикеры и до позднего вечера разгорячают себя вином; и цитра и гусли, тимпан и свирель и вино на пиршествах их; а на дела Господа они не взирают и о деяниях рук Его не помышляют. За то народ мой пойдет в плен непредвиденно, и вельможи его будут голодать, и богачи его будут томиться жаждою. За то преисподняя расширилась и без меры раскрыла пасть свою: и сойдет туда слава их и богатство их, и шум их и все, что веселит их. И преклонится человек, и смирится муж, и глаза гордых поникнут; а Господь Саваоф превознесется в суде, и Бог Святый явит святость Свою в правде.
На вечерне
(Бытие 4:8-15)
И сказал Каин Авелю, брату своему: [пойдем в поле]. И когда они были в поле, восстал Каин на Авеля, брата своего, и убил его. И сказал Господь [Бог] Каину: где Авель, брат твой? Он сказал: не знаю; разве я сторож брату моему? И сказал [Господь]: что ты сделал? голос крови брата твоего вопиет ко Мне от земли; и ныне проклят ты от земли, которая отверзла уста свои принять кровь брата твоего от руки твоей; когда ты будешь возделывать землю, она не станет более давать силы своей для тебя; ты будешь изгнанником и скитальцем на земле. И сказал Каин Господу [Богу]: наказание мое больше, нежели снести можно; вот, Ты теперь сгоняешь меня с лица земли, и от лица Твоего я скроюсь, и буду изгнанником и скитальцем на земле; и всякий, кто встретится со мною, убьет меня. И сказал ему Господь [Бог]: за то всякому, кто убьет Каина, отмстится всемеро. И сделал Господь [Бог] Каину знамение, чтобы никто, встретившись с ним, не убил его.
(Притчи 5:1-15)
Сын мой! внимай мудрости моей, и приклони ухо твое к разуму моему, чтобы соблюсти рассудительность, и чтобы уста твои сохранили знание. [Не внимай льстивой женщине;] ибо мед источают уста чужой жены, и мягче елея речь ее; но последствия от нее горьки, как полынь, остры, как меч обоюдоострый; ноги ее нисходят к смерти, стопы ее достигают преисподней. Если бы ты захотел постигнуть стезю жизни ее, то пути ее непостоянны, и ты не узнаешь их. Итак, дети, слушайте меня и не отступайте от слов уст моих. Держи дальше от нее путь твой и не подходи близко к дверям дома ее, чтобы здоровья твоего не отдать другим и лет твоих мучителю; чтобы не насыщались силою твоею чужие, и труды твои не были для чужого дома. И ты будешь стонать после, когда плоть твоя и тело твое будут истощены, - и скажешь: “зачем я ненавидел наставление, и сердце мое пренебрегало обличением, и я не слушал голоса учителей моих, не приклонял уха моего к наставникам моим: едва не впал я во всякое зло среди собрания и общества!” Пей воду из твоего водоема и текущую из твоего колодезя.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. (Поклон земной.)
Дух же целому́дрия, смиренному́дрия, терпе́ния, и любве́, да́руй ми рабу́ Твоему́. (Поклон земной.)
Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (Поклон земной.)
Таже малых 12, глаголюще на кийждо поклон: Бо́же, очи́сти мя гре́шнаго.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. Дух же целому́дрия, смиренному́дрия, терпе́ния, и любве́, да́руй ми рабу́ Твоему́. Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (И поклон един великий.)
Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
Таже: Сла́ва, и ны́не: Го́споди, поми́луй, трижды.
Го́споди, Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, помилуй и спаси́ мя, гре́шнаго. Аминь.