Понедельник Пятой седмицы Поста
Трипеснец в Понедельник Пятой седмицы
Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.
Сла́ва Тебе́, Бо́же наш, сла́ва Тебе́.
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Яко Твое есть царство и сила, и слава во веки. Аминь.
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.
Псалом 50:
Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.
Кано́н трипе́снец. Гла́с 3.
Яко Твое есть царство и сила, и слава во веки. Аминь.Пе́снь 1
Ирмо́с: Во́ды дре́вле ма́нием Боже́ственным во еди́но со́нмище совокупи́вый, и раздели́вый мо́ре израильтеским лю́дем, Се́й Бог на́ш препросла́влен е́сть: Тому Еди́ному пои́м, я́ко просла́вися.
Припев: Слава Тебе Боже наш, слава Тебе.
На́ша помышле́ния Боже́ственным ра́лом возде́лавше Боже́ственнаго поще́ния, доброде́телей кла́с плодопринесе́м, я́ко да не вза́лчем во ве́ки, наслажда́ющеся сла́достию неиждива́емою ра́дующеся.
Припев: Слава Тебе Боже наш, слава Тебе.
Многоле́тныя стра́сти вну́трь ношу́, омрача́ющыя окая́нную ду́шу мою́, к Твое́й безле́тне Сло́ве, безнача́льнаго Отца́ си́ле непобеди́мей, сокруше́нным се́рдцем припа́даю и молю́ся: уще́дри, и спаси́ мя.
Припев: Слава Тебе Боже наш, слава Тебе.
До́брое поще́ние пита́ет сердца́, умаща́ющее помышле́ния богоуго́дная, и страсте́й бе́здну изсуша́ющее, ту́чами умиле́ния очища́ет, ве́рою хвалу́ принося́щих Вседержи́телю.
Припев: Пресвята́я Богоро́дице, спаси́ на́с.
Богоро́дичен: Многоимени́тая Отрокови́це, ра́дуйся Свята́я Де́во, Богороди́тельнице Мари́е, ве́рных Похвало́, кля́твы Избавле́ние, Ле́ствице Небе́сная, Недомы́сленное Чу́до, Купино́ Неопали́мая, Земле́ Неде́ланная.
Припев: Слава Тебе Боже наш, слава Тебе.
Живоно́сному дре́ву поклони́вшеся, отсю́ду и́дем путе́м поще́ния к стра́сти Христо́вой ра́дующеся.
Припев: Слава Тебе Боже наш, слава Тебе.
Христу́ после́дующе, отве́ржемся ми́ра, и во́змем кре́ст на ра́мо, сообража́ющеся Его́ Боже́ственным страсте́м.
Припев: Слава Тебе Боже наш, слава Тебе.
Егда́ в сла́ве прии́деши со А́нгелы, суди́ти вся́ческим, до́брый отве́т да́ти Тебе́ Христе́, на́с сподо́би.
Сла́ва, тро́ичен: В Тре́х Ли́цех, Пресу́щное Еди́но Божество́, воспои́м вси́ Отца́, и Сы́на, и Свята́го Ду́ха.
И ныне. Богоро́дичен: Его́же родила́ еси́ недомы́сленно, тле́ния не разуме́вши Чи́стая, Иису́са Спа́са уми́лостиви ны́не о рабе́х Твои́х.
Пе́снь 8
Ирмо́с: Вавило́нская пе́щь о́троки не опали́, ниже́ Божества́ о́гнь Де́ву растли́. Те́м со о́троки ве́рнии возопие́м: благослови́те дела́ Господня Го́спода.
Припев: Слава Тебе Боже наш, слава Тебе.
Вре́дными зми́я пре́лестьми извлачи́мь, и прельща́емь умо́м по вся́ дни́, я́зве мое́й прилага́я я́зву, Спа́се зову́ Ти: Врачу́ боля́щих, обрати́ и спаси́ мя.
Припев: Слава Тебе Боже наш, слава Тебе.
Пости́вся воскреси́ отроча́ Сомани́тиды дре́вле, укрепля́емь Елиссе́й я́ве ду́хом: мы́ же умертви́вшеся сладостра́стием, живоно́сным посто́м ве́рнии оживи́мся.
Припев: Слава Тебе Боже наш, слава Тебе.
Ниневи́тяны спа́сл еси́ Го́споди Человеколю́бче, дре́вле пока́явшыяся, в пла́чи и посте́, я́ко благоутро́бен: на́с же ми́лостию Твое́ю уще́дри, недоуме́ющих де́лы испове́датися Тебе́.
Припев: Пресвята́я Богоро́дице, спаси́ на́с.
Богоро́дичен: По Рождестве́ нетле́нно Пребы́вшая Всенепоро́чная, изба́ви, мо́лимся Чи́стая, от тли́ рабы́ Твоя́, ве́рно пою́щыя единомышле́нием души́: благослови́те дела́ Госпо́дня Го́спода.
Припев: Слава Тебе Боже наш, слава Тебе.
Воздержа́ния с Бо́гом кре́пость иму́ще ве́рнии, про́чее ю́ношески теце́м свято́е по́прище, и венцы́ прии́мем.
Припев: Слава Тебе Боже наш, слава Тебе.
Безпло́дие зря́ многоболе́зненныя моея́ души́, еще́ потерпи́ Христе́, и не посецы́ мене́, я́коже смоко́вницу о́ную прокля́тую.
Припев: Слава Тебе Боже наш, слава Тебе.
Стра́шное Твое́ испыта́ние помышля́я Христе́, ужаса́юся, трепе́щу, и вопию́: неизме́рную име́яй ве́лию ми́лость, спаси́ мя окая́ннаго.
Слава. Тро́ичен: Единонача́льная Тро́ице, и Триипоста́сная Еди́нице, О́тче, Сы́не и Ду́ше, от вся́ких изба́ви искуше́ний и бе́д Тя́ воспева́ющыя.
И ныне. Богоро́дичен: Ра́дуйся, Горо́ Бо́жия: ра́дуйся, Присносве́тлая Свеще́: ра́дуйся, Но́вое Не́бо: ра́дуйся, У́ме Блиста́яйся: ра́дуйся, Хра́ме Госпо́день: ра́дуйся Всепе́тая.
Пе́снь 9
Ирмо́с: Но́вое чу́до и Боголе́пное: деви́ческую бо две́рь затворе́нную я́ве прохо́дит Госпо́дь, на́г во вхо́де, и плотоно́сец яви́ся во исхо́де Бог, и пребыва́ет дверь затворе́на: сию́ неизрече́нно, я́ко Богома́терь велича́ем.
Припев: Слава Тебе Боже наш, слава Тебе.
Ча́шу Боже́ственную испо́лнивши ны́не умиле́ния, по́стная благода́ть я́ве, созыва́ет вся́ ве́рныя, вопию́щи с весе́лием: прииди́те, наслади́теся, пия́нство страсте́й отложи́вше, да бу́дущаго сподо́битеся утеше́ния.
Припев: Слава Тебе Боже наш, слава Тебе.
Бли́з Су́д, внемли́ душе́, со́вестию попецы́ся, и де́лай до́бре, тебе́ неосужде́ну при́сно соблюда́ющая: а́ще бо себе́ зде́ разсужда́ем, ника́коже та́мо осу́димся без свиде́телей, иде́же пови́ннии осужда́ются.
Припев: Слава Тебе Боже наш, слава Тебе.
Нача́ла, Си́лы, Престо́ли, Серафи́ми, Госпо́дьства, и Вла́сти, и Херуви́ми, А́нгели, Арха́нгели, Бо́га моли́те, поще́ния вре́мя прейти́ на́м, сему́ уго́дная творя́щым, да я́ко раби́ благоугоди́вшии сла́ву получи́м.
Припев: Пресвята́я Богоро́дице, спаси́ на́с.
Богоро́дичен: С му́ченики, с проро́ки, ро́ждшую Тя́, с преподо́бными все́ми Христе́ моля́щуюся приЯко Твое есть царство и сила, и слава во веки. Аминь.ими́ при́сно, о рабе́х прогне́вавших Тя́, Еди́наго Человеколю́бца Влады́ку, Его́же небе́снии чи́нове трепе́щут.
Припев: Слава Тебе Боже наш, слава Тебе.
Ти́хое пла́вание поще́ния, духо́вным дыха́нием преплы́вше, ко приста́нищу страсте́й Христо́вых, дости́гнути помо́лимся.
Припев: Слава Тебе Боже наш, слава Тебе.
Ханане́и поревнова́в, поми́луй мя́ вопию́ Ти, Сы́не Дави́дов Бо́же, и исцели́ мою́ изнемо́гшую ду́шу, я́коже о́ныя дще́рь.
Припев: Слава Тебе Боже наш, слава Тебе.
Оправда́вый мытаря́, очи́сти мя́ вопию́ща: и мне́ гре́шному ми́лостив бу́ди, все́х Судие́, проща́я моя́ согреше́ния.
Сла́ва, тро́ичен: Божества́ Естество́, Еди́нствующее Еди́ницу, и начерта́ньми Треми́ Тро́йствующее, Отца́, и Сы́на, и Ду́ха воспои́м.
И ныне, Богоро́дичен: Во Чре́ве заче́ншая непостижи́маго Сло́ва, и Сего́ без се́мене пло́ти ро́ждшая, моли́ приле́жно спасти́ся душа́м на́шым.
Ирмо́с: Но́вое чу́до и Боголе́пное: деви́ческую бо две́рь затворе́нную я́ве прохо́дит Госпо́дь, на́г во вхо́де, и плотоно́сец яви́ся во исхо́де Бог, и пребыва́ет дверь затворе́на: сию́ неизрече́нно, я́ко Богома́терь велича́ем.
На шестом часе
(Исаия 37:33-38:6)
Посему так говорит Господь о царе Ассирийском: “не войдет он в этот город и не бросит туда стрелы, и не приступит к нему со щитом, и не насыплет против него вала. По той же дороге, по которой пришел, возвратится, а в город сей не войдет, говорит Господь. Я буду охранять город сей, чтобы спасти его ради Себя и ради Давида, раба Моего”. И вышел Ангел Господень и поразил в стане Ассирийском сто восемьдесят пять тысяч человек. И встали поутру, и вот, все тела мертвые. И отступил, и пошел, и возвратился Сеннахирим, царь Ассирийский, и жил в Ниневии. И когда он поклонялся в доме Нисроха, бога своего, Адрамелех и Шарецер, сыновья его, убили его мечом, а сами убежали в землю Араратскую. И воцарился Асардан, сын его, вместо него. В те дни Езекия заболел смертельно. И пришел к нему пророк Исаия, сын Амосов, и сказал ему: так говорит Господь: сделай завещание для дома твоего, ибо ты умрешь, не выздоровеешь. Тогда Езекия отворотился лицем к стене и молился Господу, говоря: “о, Господи! вспомни, что я ходил пред лицем Твоим верно и с преданным Тебе сердцем и делал угодное в очах Твоих”. И заплакал Езекия сильно. И было слово Господне к Исаии, и сказано: пойди и скажи Езекии: так говорит Господь, Бог Давида, отца твоего: Я услышал молитву твою, увидел слезы твои, и вот, Я прибавлю к дням твоим пятнадцать лет, и от руки царя Ассирийского спасу тебя и город сей и защищу город сей.
На вечерне
(Бытие 13:12-18)
Аврам стал жить на земле Ханаанской; а Лот стал жить в городах окрестности и раскинул шатры до Содома. Жители же Содомские были злы и весьма грешны пред Господом. И сказал Господь Авраму, после того как Лот отделился от него: возведи очи твои и с места, на котором ты теперь, посмотри к северу и к югу, и к востоку и к западу; ибо всю землю, которую ты видишь, тебе дам Я и потомству твоему навеки, и сделаю потомство твое, как песок земной; если кто может сосчитать песок земной, то и потомство твое сочтено будет; встань, пройди по земле сей в долготу и в широту ее, ибо Я тебе дам ее [и потомству твоему навсегда]. И двинул Аврам шатер, и пошел, и поселился у дубравы Мамре, что в Хевроне; и создал там жертвенник Господу.
(Притчи 14:27-15:4)
Страх Господень - источник жизни, удаляющий от сетей смерти. Во множестве народа - величие царя, а при малолюдстве народа беда государю. У терпеливого человека много разума, а раздражительный выказывает глупость. Кроткое сердце - жизнь для тела, а зависть - гниль для костей. Кто теснит бедного, тот хулит Творца его; чтущий же Его благотворит нуждающемуся. За зло свое нечестивый будет отвергнут, а праведный и при смерти своей имеет надежду. Мудрость почиет в сердце разумного, и среди глупых дает знать о себе. Праведность возвышает народ, а беззаконие - бесчестие народов. Благоволение царя - к рабу разумному, а гнев его - против того, кто позорит его. [Гнев губит и разумных.] Кроткий ответ отвращает гнев, а оскорбительное слово возбуждает ярость. Язык мудрых сообщает добрые знания, а уста глупых изрыгают глупость. На всяком месте очи Господни: они видят злых и добрых. Кроткий язык - древо жизни, но необузданный - сокрушение духа.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. (Поклон земной.)
Дух же целому́дрия, смиренному́дрия, терпе́ния, и любве́, да́руй ми рабу́ Твоему́. (Поклон земной.)
Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (Поклон земной.)
Таже малых 12, глаголюще на кийждо поклон: Бо́же, очи́сти мя гре́шнаго.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. Дух же целому́дрия, смиренному́дрия, терпе́ния, и любве́, да́руй ми рабу́ Твоему́. Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (И поклон един великий.)
Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
Таже: Сла́ва, и ны́не: Го́споди, поми́луй, трижды.
Го́споди, Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, помилуй и спаси́ мя, гре́шнаго. Аминь.