Вторник Пятой седмицы Поста
Трипеснец во Вторник Пятой седмицы
Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.
Сла́ва Тебе́, Бо́же наш, сла́ва Тебе́.
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Яко Твое есть царство и сила, и слава во веки. Аминь.
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.
Псалом 50:
Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.
Кано́н трипе́снец. Гла́с 3.
Пе́снь 2
Ирмо́с: Вонми́ земле́ и не́бо, и внуши́ глаго́лы моя́, возглаго́лю бо на земли́ Бо́жия чудеса́.
Припев: Слава Тебе Боже наш, слава Тебе.
Непреста́нными моли́твами, и воздержа́нием и виде́нием впери́м ду́шы к боже́ственному жела́нию.
Припев: Слава Тебе Боже наш, слава Тебе.
Невоздержа́ния стремни́ны убежа́вше, уясни́мся вси́ воздержа́ния све́том в боже́ственном Ду́се.
Припев: Слава Тебе Боже наш, слава Тебе.
Со́лию боже́ственных доброде́телей, гное́ние грехо́вное отложи́вши душе́, Бо́гу прилепи́ся.
Припев: Пресвята́я Богоро́дице, спаси́ на́с.
Богоро́дичен: Упоко́ися Христо́с в Тебе́ еди́ной Благослове́нной, и пло́ть Свою́ от Тебе понесе́.
Припев: Слава Тебе Боже наш, слава Тебе.
Поще́ние чи́стое, моли́твы, сле́зы, поуче́ние Боже́ственных и вся́кую ину́ю доброде́тель совокупи́вше, Влады́це Христу́ ны́не принесе́м.
Припев: Слава Тебе Боже наш, слава Тебе.
Е́ва плене́на бы́сть плодо́м: ви́ждь ты́ душе́ моя́, не прельща́йся, а́ще приложи́т тебе́ зми́й когда́ совеща́яй, я́сти тебе́ сла́стныя плоды́.
Припев: Слава Тебе Боже наш, слава Тебе.
Кровоточи́вую, осяза́нием оме́т Твои́х исцели́л еси́ Христе́ мо́й, и мене́ ве́рою ми́лости Твоея́ прикаса́ющагося, здра́ва от страсте́й учини́.
Сла́ва, тро́ичен: Три́ еди́наго зра́ка Ли́ца сла́влю, Отца́, Сы́на и Ду́ха, еди́ну держа́ву Божества́, Ца́рство все́х, и Божество́.
И ныне. Богоро́дичен: Рождество́ Твое́ Чи́стая стра́шно бы́сть: Бог бо е́сть вочелове́чивыйся безнача́льно от Отца́ рожде́йся, и из Тебе́ в после́дняя без му́жа роди́выйся.
Пе́снь 8
Ирмо́с: Ангельми немо́лчно в вы́шних сла́вимаго Бога, небеса небес, земля, и го́ры, и хо́лми, и глубина, и весь ро́д челове́ческий, пе́сньми Того я́ко Созда́теля, и Изба́вителя благослови́те, и превозноси́те во вся ве́ки.
Припев: Слава Тебе Боже наш, слава Тебе.
В та́йне ловя́ по вся́ дни́ вселука́вый, и́щет мя́ поя́ти и сне́дь сотвори́ти: того́ мя́ зло́бы изба́ви Спа́се, спасы́й Ио́ну от ки́та.
Припев: Слава Тебе Боже наш, слава Тебе.
Поще́нием очи́стившеся, на го́ру доброде́телей взы́дем, и услы́шим я́сно, что́ возглаго́лет в на́с Бо́г: возглаго́лет бо ми́р и просвеще́ние, и исцеле́ние душе́вных сокруше́ний.
Припев: Слава Тебе Боже наш, слава Тебе.
Грехо́вным омраче́нием всегда́ ослепля́емь, не могу́ разуме́ти чудеса́ Твоя́ Го́споди: те́мже мои́ серде́чныя о́чи отве́рзи, Иису́се Светода́вче.
Припев: Пресвята́я Богоро́дице, спаси́ на́с.
Богоро́дичен: Щедро́т Твои́х окропле́ньми, Присноде́во Нескве́рная, оскверне́ния стра́стная се́рдца моего́ отмы́й, сле́з то́ки, чистоты́ мне́ пода́тельныя очище́ния душе́внаго, да́рующи.
Припев: Слава Тебе Боже наш, слава Тебе.
О́гнь не угаса́ет, и че́рвь, рече́, не скончи́тся, убо́йся преще́ния, о душе́ моя́, угожда́ющи Христу́! Да обря́щеши наслажде́ние, иде́же все́м е́сть веселя́щымся жили́ще.
Припев: Слава Тебе Боже наш, слава Тебе.
Опале́нием разжига́емую ду́шу мою́ похоте́ний, возста́ви Го́споди, молю́ся, осяза́нием Твои́м, я́коже Петро́ву те́щу, да обря́щется рабо́тати Тебе́ благоуго́дно, испове́дающися во вся́ ве́ки.
Припев: Слава Тебе Боже наш, слава Тебе.
У́ши отве́рзи души́ моея́ огло́хнувшыя Христе́, и язы́к мо́й уясни́, я́коже дре́вле гугни́ваго и глуха́го: да внуша́я Твои́м гласово́м пою́, и язы́ком хвалю́ Тя во ве́ки.
Слава. Тро́ичен: Присносу́щнаго безнача́льнаго Отца́ воспои́м ве́рнии, Сы́на же собезнача́льна, и Ду́ха сопросия́вша из Отца́, единосу́щна ли́ца, еди́наго су́ща всеси́льнаго нача́ла, и вла́сти.
И ныне. Богоро́дичен: Мари́е богозва́нная, очище́ние вои́стинну ве́рных, из Тебе́ бо оставле́ние подава́ется все́м бога́тно: Сы́на Твоего́ и Го́спода не преста́й умоля́ющи о пою́щих тя́
Пе́снь 9
Ирмо́с: Тебе́ неопали́мую купину́, и Святу́ю Де́ву, Ма́терь Све́та, и Богоро́дицу, наде́жду все́х на́с велича́ем.
Припев: Слава Тебе Боже наш, слава Тебе.
Пла́мень огня́ негаси́маго во уме́ стяжа́вше, те́плою мы́слию, покая́ния огню́ ны́не присту́пим, стра́сти опаля́юще.
Припев: Слава Тебе Боже наш, слава Тебе.
У́ст постя́щихся дре́вле, разжига́емое сло́во, изше́дшее ревни́тельне, преклоня́ет соста́вы: сему́ ревну́й душе́, и до́бре поживи́.
Припев: Слава Тебе Боже наш, слава Тебе.
Суди́ще стра́шное помышля́ющи, всеокая́нная душе́ моя́, ше́ствия твоя́ при́сно, ко исполне́нию хоте́ний Изба́вителя уготовля́й.
Припев: Пресвята́я Богоро́дице, спаси́ на́с.
Богоро́дичен: Омраче́нную ду́шу мою́ сласте́й очерне́нием, просвети́ Чи́стая, Све́т ро́ждшая: да любо́вию и ве́рою при́сно велича́ю Тя́.
Припев: Слава Тебе Боже наш, слава Тебе.
Уд ве́сь пло́ти на́шея предста́ви Христу́, ору́жия пра́вды: ру́це, рече́, возде́вше преподо́бныя без гне́ва и размышле́ний.
Припев: Слава Тебе Боже наш, слава Тебе.
Ты́ иногда́ ученико́м в корабли́ предста́в, уста́вил еси́ Христе́ мо́й неи́стовствующееся мо́ре, и моя́ треволне́ния утиши́ помышле́ний.
Припев: Слава Тебе Боже наш, слава Тебе.
От разбо́йнических мя́ страсте́й оскверне́на душе́ю, исцели́ Христе́ мо́й, излива́я Твою́ ми́лость, я́коже впа́дшему в ру́це разбо́йников.
Сла́ва, тро́ичен: Еди́ному Естеству́ покланя́юся, три́ Ли́ца пою́, еди́наго Бо́га все́х, Отца́, и Сы́на, и Свята́го Ду́ха, присносу́щное нача́ло.
И ныне, Богоро́дичен: Чи́стая детотвори́ши, Де́ва млеко́м пита́еши, ка́ко в то́мже обоя́ де́вствуеши ражда́ющи? Бог е́сть сотвори́вый, не вопроша́й Мене́, ка́ко.
Ирмо́с: Тебе́ неопали́мую купину́, и Святу́ю Де́ву, Ма́терь Све́та, и Богоро́дицу, наде́жду все́х на́с велича́ем.
На шестом часе
(Исаия 40:18-31)
Итак кому уподобите вы Бога? И какое подобие найдете Ему? Идола выливает художник, и золотильщик покрывает его золотом и приделывает серебряные цепочки. А кто беден для такого приношения, выбирает негниющее дерево, приискивает себе искусного художника, чтобы сделать идола, который стоял бы твердо. Разве не знаете? разве вы не слышали? разве вам не говорено было от начала? разве вы не уразумели из оснований земли? Он есть Тот, Который восседает над кругом земли, и живущие на ней - как саранча пред Ним; Он распростер небеса, как тонкую ткань, и раскинул их, как шатер для жилья. Он обращает князей в ничто, делает чем-то пустым судей земли. Едва они посажены, едва посеяны, едва укоренился в земле ствол их, и как только Он дохнул на них, они высохли, и вихрь унес их, как солому. Кому же вы уподобите Меня и с кем сравните? говорит Святый. Поднимите глаза ваши на высоту небес и посмотрите, кто сотворил их? Кто выводит воинство их счетом? Он всех их называет по имени: по множеству могущества и великой силе у Него ничто не выбывает. Как же говоришь ты, Иаков, и высказываешь, Израиль: “путь мой сокрыт от Господа, и дело мое забыто у Бога моего”? Разве ты не знаешь? разве ты не слышал, что вечный Господь Бог, сотворивший концы земли, не утомляется и не изнемогает? разум Его неисследим. Он дает утомленному силу, и изнемогшему дарует крепость. Утомляются и юноши и ослабевают, и молодые люди падают, а надеющиеся на Господа обновятся в силе: поднимут крылья, как орлы, потекут - и не устанут, пойдут - и не утомятся.
На вечерне
(Бытие 15:1-15)
После сих происшествий было слово Господа к Авраму в видении [ночью], и сказано: не бойся, Аврам; Я твой щит; награда твоя [будет] весьма велика. Аврам сказал: Владыка Господи! что Ты дашь мне? я остаюсь бездетным; распорядитель в доме моем этот Елиезер из Дамаска. И сказал Аврам: вот, Ты не дал мне потомства, и вот, домочадец мой наследник мой. И было слово Господа к нему, и сказано: не будет он твоим наследником, но тот, кто произойдет из чресл твоих, будет твоим наследником. И вывел его вон и сказал [ему]: посмотри на небо и сосчитай звезды, если ты можешь счесть их. И сказал ему: столько будет у тебя потомков. Аврам поверил Господу, и Он вменил ему это в праведность. И сказал ему: Я Господь, Который вывел тебя из Ура Халдейского, чтобы дать тебе землю сию во владение. Он сказал: Владыка Господи! по чему мне узнать, что я буду владеть ею? Господь сказал ему: возьми Мне трехлетнюю телицу, трехлетнюю козу, трехлетнего овна, горлицу и молодого голубя. Он взял всех их, рассек их пополам и положил одну часть против другой; только птиц не рассек. И налетели на трупы хищные птицы; но Аврам отгонял их. При захождении солнца крепкий сон напал на Аврама, и вот, напал на него ужас и мрак великий. И сказал Господь Авраму: знай, что потомки твои будут пришельцами в земле не своей, и поработят их, и будут угнетать их четыреста лет, но Я произведу суд над народом, у которого они будут в порабощении; после сего они выйдут [сюда] с большим имуществом, а ты отойдешь к отцам твоим в мире и будешь погребен в старости доброй…
(Притчи 15:7-19)
Уста мудрых распространяют знание, а сердце глупых не так. Жертва нечестивых - мерзость пред Господом, а молитва праведных благоугодна Ему. Мерзость пред Господом - путь нечестивого, а идущего путем правды Он любит. Злое наказание - уклоняющемуся от пути, и ненавидящий обличение погибнет. Преисподняя и Аваддон [открыты] пред Господом, тем более сердца сынов человеческих. Не любит распутный обличающих его, и к мудрым не пойдет. Веселое сердце делает лице веселым, а при сердечной скорби дух унывает. Сердце разумного ищет знания, уста же глупых питаются глупостью. Все дни несчастного печальны; а у кого сердце весело, у того всегда пир. Лучше немногое при страхе Господнем, нежели большое сокровище, и при нем тревога. Лучше блюдо зелени, и при нем любовь, нежели откормленный бык, и при нем ненависть. Вспыльчивый человек возбуждает раздор, а терпеливый утишает распрю. Путь ленивого - как терновый плетень, а путь праведных - гладкий.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. (Поклон земной.)
Дух же целому́дрия, смиренному́дрия, терпе́ния, и любве́, да́руй ми рабу́ Твоему́. (Поклон земной.)
Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (Поклон земной.)
Таже малых 12, глаголюще на кийждо поклон: Бо́же, очи́сти мя гре́шнаго.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. Дух же целому́дрия, смиренному́дрия, терпе́ния, и любве́, да́руй ми рабу́ Твоему́. Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (И поклон един великий.)
Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
Таже: Сла́ва, и ны́не: Го́споди, поми́луй, трижды.
Го́споди, Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, помилуй и спаси́ мя, гре́шнаго. Аминь.