Вторник Третьей седмицы
Трипеснец во Вторник Третьей седмицы
Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.
Сла́ва Тебе́, Бо́же наш, сла́ва Тебе́.
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Яко Твое есть царство и сила, и слава во веки. Аминь.
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.
Псалом 50:
Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.
Кано́н трипе́снец. Гла́с 3.
Пе́снь 2
Ирмо́с: Ви́дите ви́дите, я́ко А́з е́смь Спа́с ми́ра, Све́т и́стинный, Исто́чник жи́зни, Сы́н Бо́жий.
Припев: Слава Тебе Боже наш, слава Тебе.
Присво́ил мя́ еси́ ба́нею креще́ния, преблаги́й О́тче, бога́тством вся́ким украси́в до́брых: но порабо́тах хотя́ непло́дным помысло́м, те́мже обнища́х.
Припев: Слава Тебе Боже наш, слава Тебе.
Ми́лостив, ми́лостив, ми́лостив бу́ди ми́ Го́споди, суди́ су́д мо́й мне́, пра́ведный Судие́, ма́лое мое́ воздыха́ние за ми́лость ве́лию прие́м Христе́, и не пре́зри мене́.
Припев: Слава Тебе Боже наш, слава Тебе.
Совле́кшеся скве́рныя оде́жды невоздержа́ния, облече́мся в све́тлую ри́зу воздержа́ния, и све́тли бы́вше, све́тлое Изба́вителя дости́гнем воста́ние.
Припев: Пресвята́я Богоро́дице, спаси́ на́с.
Богоро́дичен: Спаси́ мя́, спаси́ мя́ Спа́са ро́ждшая: ви́ждь ско́рбь мою́ Чи́стая, ю́же мно́жество безме́рных мои́х зо́л притворя́ет по вся́ дни́, окая́нней мое́й души́, от неча́яния.
Припев: Слава Тебе Боже наш, слава Тебе.
Ви́дите ви́дите, я́ко А́з е́смь, спасе́ние ва́м источи́вый, я́ко бо́г, е́же воздержа́нием вси́ земни́и почерпи́те.
Припев: Слава Тебе Боже наш, слава Тебе.
Ви́дите ви́дите, я́ко А́з е́смь, вре́мя определи́вый свяще́нное, свято́е ва́м, во учрежде́ние душе́вное, поста́ по́прище.
Припев: Слава Тебе Боже наш, слава Тебе.
Ве́лий еси́ Го́споди и чу́дна дела́ Твоя́, я́ко в ро́ве неснеде́на показа́л еси́ иногда́ Дании́ла от льво́в, посто́м огражда́ема.
Сла́ва, тро́ичен: Тро́ицу просла́вим, Еди́нице поклони́мся, безнача́льному безнача́льнаго Отца́ Сы́ну единоро́дному, Ду́ху сопресто́льному, и Отцу́ соприсносу́щному.
И ныне. Богоро́дичен: Моли́ непреста́нно Спа́са Всенепоро́чная, Тя́ Бо́гу усты́ и душе́ю испове́дающым, от вся́каго обстоя́ния изба́витися.
Пе́снь 8
Ирмо́с: В пла́мень ко отроко́м евре́йским снизше́дшаго, Бо́жиею си́лою, и я́вльшагося Го́спода, свяще́нницы благослови́те, и превозноси́те во вся́ ве́ки.
Припев: Слава Тебе Боже наш, слава Тебе.
Пла́чу и рыда́ю, ча́с помышля́я, во́ньже и́мам предста́ти престо́лу стра́шному, муче́нием пови́нен мно́гих мои́х зо́л, я́же в неве́дении сотвори́х, и ра́зуме.
Припев: Слава Тебе Боже наш, слава Тебе.
Моисе́й очисти́лище по́ст обре́т, Бо́га разуме́ еди́наго Чи́стаго: душе́ моя́ посто́м очи́стися, да прибли́жишися Бо́гу Человеколю́бцу.
Припев: Слава Тебе Боже наш, слава Тебе.
По́ст возлю́бим, ма́терь доброде́телей: пи́щу возненави́дим, роди́тельницу страсте́й, и воззове́м: О́тче, И́же на Небесе́х, спаси́ на́с, спаси́ моли́твами святы́х Твои́х.
Припев: Пресвята́я Богоро́дице, спаси́ на́с.
Богоро́дичен: Судию́, Его́же родила́ еси́ Де́во Мариа́м, умоли́ в ча́с мя́ суда́ уще́дрити Чи́стая, и спасти́ осужде́ннаго, еди́на предста́тельнице ро́ду челове́ческому.
Припев: Слава Тебе Боже наш, слава Тебе.
Посто́в пресве́тлую благода́ть прие́мше, доброде́тельми облиста́имся, ти́хая ли́ца, ти́хия и обы́чаи показу́юще, душе́внаго устрое́ния.
Припев: Слава Тебе Боже наш, слава Тебе.
Пости́вся Елиссе́й, о́трока Сомани́тиде подаде́ жи́ва. о се́м разуме́им бра́тие, по́ст ко́ль до́бр, ко́ль вели́к, ко́ль богодарова́нная благода́ть.
Припев: Слава Тебе Боже наш, слава Тебе.
Да никто́же на́с уны́нием и ле́ностию обложи́тся, о бра́тие! вре́мя де́лания, ча́с торжества́: кто́ прему́др у́бо во еди́н де́нь приобрести́ вся́ ве́ки.
Слава. Тро́ичен: Со Отце́м Сы́ну поклони́мся, и Ду́ху Свято́му в Тро́ице еди́ней, со а́нгелы зову́ще бре́нными усты́: сла́ва в вы́шних Бо́гу, и́же в Тро́ице.
И ныне. Богоро́дичен: Отроча́ ражда́еши, де́вствующи еди́на Богора́дованная, та́йна вели́кая, ужа́сное чу́до: Бо́га бо родила́ еси́ воплоще́нна, Спа́са ми́ру.
Пе́снь 9
Ирмо́с: На Сина́йстей горе́, ви́де Тя́ в купине́ Моисе́й, неопа́льно о́гнь Божества́ заче́ншую во чре́ве, Дании́л же Тя́ ви́де го́ру несеко́мую, же́зл прозя́бший, Иса́иа взыва́ше, от ко́рене Дави́дова.
Припев: Слава Тебе Боже наш, слава Тебе.
В грехо́вную пучи́ну, во отча́яния глубину́, в треволне́ния помышле́ний, и страсте́й бу́ри впа́д вопию́: ми́лости бе́здно, помози́ ми́, и твои́м благоутро́бием одожди́ ми́ очище́ние грехо́в.
Припев: Слава Тебе Боже наш, слава Тебе.
Поще́нием те́ло, воздержа́нием ду́х, слеза́ми ду́шу очи́стим ве́рнии, и чи́сти чи́стаго све́тло усря́щем, зря́ще спаси́тельныя стра́сти, я́же претерпе́ на́с ра́ди Изба́витель.
Припев: Слава Тебе Боже наш, слава Тебе.
Я́ко мыта́рь стеню́, я́коже блудни́ца слезю́, я́ко разбо́йник вопию́: помяни́ мя́ Ще́дре, я́ко слепы́й зову́ Ти́: сы́не Бо́жий, отве́рзи о́чи души́ моея́, ослепле́нныя зло́бою льсти́ваго запина́теля.
Припев: Пресвята́я Богоро́дице, спаси́ на́с.
Богоро́дичен: Несеко́мую го́ру, непроходи́мую две́рь, вы́шшую небесе́ и тва́ри всея́, добро́ту Иа́ковлю, ру́чку всезлату́ю, и мо́ст, и Ма́терь Зижди́теля, Де́ву ублажи́м ве́рнии.
Припев: Слава Тебе Боже наш, слава Тебе.
Настоя́щыя дни́ поразуме́вше, па́че все́х свяще́нных, моли́твы Бо́гу возсле́м, со́вестию чи́стою, ча́сто прекланя́юще коле́на, и глаго́люще: Го́споди, приими́ моле́ния и моли́твы рабо́в Твои́х при́сно.
Припев: Слава Тебе Боже наш, слава Тебе.
Лю́дие седо́ша, я́коже пи́шется, я́сти же и пи́ти, и воста́ша игра́ти, служа́ще истука́нному Веельфего́ру: ви́ждь объяде́ния лю́тыя во́лны. Мы́ же пости́мся, и просла́вимся, я́ко вели́кий Моисе́й.
Припев: Слава Тебе Боже наш, слава Тебе.
Я́ко Тво́й гне́в нестерпи́мый на гре́шники, кто́ про́чее стерпи́т Го́споди, от сего́ преще́ния? безме́рную име́яй ми́лость, спаси́ мя́ благоутро́бием Твои́м не по дело́м мои́м мно́гим и лю́тым.
Сла́ва, тро́ичен: Существо́м Еди́ница е́сть несеко́ма, Пребоже́ственная Тро́ица, соединя́ема Естество́м, дели́тся Ли́цы сво́йственно: несеко́ма бо сече́тся, еди́но су́щи трои́тся: Сия́ Оте́ц е́сть, Сы́н, и Ду́х Живы́й соблюда́ющая все́.
И ныне, Богоро́дичен: Отрокороди́тельницу де́ву кто́ слы́ша, и ма́терь без му́жа? Мари́е соверша́еши чу́до: но скажи́ ми, ка́ко, не испыту́й глубины́ богорожде́ния моего́, сие́ всеи́стинное па́че челове́ческаго ума́ постиже́ние.
Ирмо́с: На Сина́йстей горе́, ви́де Тя́ в купине́ Моисе́й, неопа́льно о́гнь Божества́ заче́ншую во чре́ве, Дании́л же Тя́ ви́де го́ру несеко́мую, же́зл прозя́бший, Иса́иа взыва́ше, от ко́рене Дави́дова.
На шестом часе
(Исаия 9:1-10)
Прежнее время умалило землю Завулонову и землю Неффалимову; но последующее возвеличит приморский путь, Заиорданскую страну, Галилею языческую. Народ, ходящий во тьме, увидит свет великий; на живущих в стране тени смертной свет воссияет. Ты умножишь народ, увеличишь радость его. Он будет веселиться пред Тобою, как веселятся во время жатвы, как радуются при разделе добычи. Ибо ярмо, тяготившее его, и жезл, поражавший его, и трость притеснителя его Ты сокрушишь, как в день Мадиама. Ибо всякая обувь воина во время брани и одежда, обагренная кровью, будут отданы на сожжение, в пищу огню. Ибо младенец родился нам - Сын дан нам; владычество на раменах Его, и нарекут имя Ему: Чудный, Советник, Бог крепкий, Отец вечности, Князь мира. Умножению владычества Его и мира нет предела на престоле Давида и в царстве его, чтобы Ему утвердить его и укрепить его судом и правдою отныне и до века. Ревность Господа Саваофа соделает это. Слово посылает Господь на Иакова, и оно нисходит на Израиля, чтобы знал весь народ, Ефрем и жители Самарии, которые с гордостью и надменным сердцем говорят: кирпичи пали - построим из тесаного камня; сикоморы вырублены - заменим их кедрами.
На вечерне
(Бытие 7:1-5)
И сказал Господь [Бог] Ною: войди ты и все семейство твое в ковчег, ибо тебя увидел Я праведным предо Мною в роде сем; и всякого скота чистого возьми по семи, мужеского пола и женского, а из скота нечистого по два, мужеского пола и женского; также и из птиц небесных [чистых] по семи, мужеского пола и женского, [и из всех птиц нечистых по две, мужеского пола и женского,] чтобы сохранить племя для всей земли, ибо чрез семь дней Я буду изливать дождь на землю сорок дней и сорок ночей; и истреблю все существующее, что Я создал, с лица земли. Ной сделал все, что Господь [Бог] повелел ему.
(Притчи 8:32-9:11)
Итак, дети, послушайте меня; и блаженны те, которые хранят пути мои! Послушайте наставления и будьте мудры, и не отступайте от него. Блажен человек, который слушает меня, бодрствуя каждый день у ворот моих и стоя на страже у дверей моих! потому что, кто нашел меня, тот нашел жизнь, и получит благодать от Господа; а согрешающий против меня наносит вред душе своей: все ненавидящие меня любят смерть. Премудрость построила себе дом, вытесала семь столбов его, заколола жертву, растворила вино свое и приготовила у себя трапезу; послала слуг своих провозгласить с возвышенностей городских: “кто неразумен, обратись сюда!” И скудоумному она сказала: “идите, ешьте хлеб мой и пейте вино, мною растворенное; оставьте неразумие, и живите, и ходите путем разума”. Поучающий кощунника наживет себе бесславие, и обличающий нечестивого - пятно себе. Не обличай кощунника, чтобы он не возненавидел тебя; обличай мудрого, и он возлюбит тебя; дай наставление мудрому, и он будет еще мудрее; научи правдивого, и он приумножит знание. Начало мудрости - страх Господень, и познание Святаго - разум; потому что чрез меня умножатся дни твои, и прибавится тебе лет жизни.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. (Поклон земной.)
Дух же целому́дрия, смиренному́дрия, терпе́ния, и любве́, да́руй ми рабу́ Твоему́. (Поклон земной.)
Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (Поклон земной.)
Таже малых 12, глаголюще на кийждо поклон: Бо́же, очи́сти мя гре́шнаго.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. Дух же целому́дрия, смиренному́дрия, терпе́ния, и любве́, да́руй ми рабу́ Твоему́. Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (И поклон един великий.)
Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
Таже: Сла́ва, и ны́не: Го́споди, поми́луй, трижды.
Го́споди, Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, помилуй и спаси́ мя, гре́шнаго. Аминь.