Пятница Второй седмицы
Трипеснец в Пятницу Второй седмицы
Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.
Сла́ва Тебе́, Бо́же наш, сла́ва Тебе́.
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Яко Твое есть царство и сила, и слава во веки. Аминь.
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.
Псалом 50:
Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.
Кано́н трипе́снец. Гла́с 5.
Пе́снь 5
Ирмо́с: От но́щи покланя́ющыяся Тебе́ Христе́ поми́луй и ми́р да́руй: зане́ све́т повеле́ния Твоя́, бы́ша исцеле́ния рабо́м Твои́м Человеколю́бче.
Припев: Слава Тебе Боже наш, слава Тебе.
Во́лею влады́ко возне́слся еси́ на Кре́ст, и низве́ргл еси́ врага́: те́мже во́лею низве́ржена мя́ похотьми́ в про́пасть, благоутро́бием Твои́м испра́ви.
Припев: Слава Тебе Боже наш, слава Тебе.
Омраче́на мя́ страстьми́ безме́стными душе́ю, просвети́ Иису́се, омрачи́вый со́лнце на Кресте́ просте́рся, и просвети́вый вся́ вселе́нныя исполне́ния.
Припев: Слава Тебе Боже наш, слава Тебе.
По́стную пучи́ну преплы́ти ти́хо сподо́би мя́ Христе́, утиша́я во́лны мы́сли моея́, и в приста́нища Воскре́сния окорми́.
Припев: Пресвята́я Богоро́дице, спаси́ на́с.
Богоро́дичен: Чи́стую чисто́тствующим почти́м умо́м, добро́ту Иа́ковлю, Боже́ственными дея́ньми украша́ющеся, благоче́стно воспои́м, я́ко Ма́терь Бо́га на́шего.
Припев: Слава Тебе Боже наш, слава Тебе.
Ты́ распе́нся тле́ния избавля́еши мя́, и прободе́н бы́в обезсме́ртствуеши мя́: сла́влю Твою́ неизрече́нную ми́лость, я́ко прише́л еси́ Христе́, да спасе́ши мя́.
Припев: Слава Тебе Боже наш, слава Тебе.
На Кресте́ просте́р дла́ни Твоя́, мы́сленнаго Амали́ка уби́л еси́, лю́ди Твоя́ спаса́яй Го́споди. Сего́ ра́ди пое́м держа́ву Твою́.
Припев: Слава Тебе Боже наш, слава Тебе.
Мене́ ра́ди претерпе́вый распя́тие, о́цет пи́вый, и реки́й: соверши́шася! соверши́ мое́ по́стное по́прище, удостоя́я мя́ ви́дети Твое́ воста́ние.
Сла́ва, тро́ичен: В тре́х Ли́цах Божество́, еди́но нача́ло всепресу́щное, воспои́м Отца́ безнача́льнаго, и Сы́на, и Ду́ха Свята́го.
И ныне. Богоро́дичен: Его́же не́бо вмести́ти не можа́ше, Ты́ во чре́ве заче́нши родила́ еси́. О стра́ннаго и неизрече́ннаго чудесе́! Те́мже Тя́ вси́ пое́м пречи́стая.
Пе́снь 8
Ирмо́с: Творца́ тва́ри, Его́же ужаса́ются а́нгели, по́йте лю́дие, и превозноси́те во вся́ ве́ки.
Припев: Слава Тебе Боже наш, слава Тебе.
На Кресте́ пригво́ждься за благоутро́бие, разбо́йнику ра́й отве́рзл еси́: ны́не же разбие́на мя́ де́монскою лю́тостию, и в души́ всепло́тную я́зву прии́мша уврачу́й, отверза́я ми́ две́ри покая́ния Твои́м человеколю́бием.
Припев: Слава Тебе Боже наш, слава Тебе.
Посто́м просвети́вше пло́ть, ду́шу доброде́тельми утучни́м, убо́гия напита́им, бога́тство неистощи́мое на небесе́х купу́юще, и воззове́м: Го́спода по́йте дела́ и превозноси́те Его́ во ве́ки.
Припев: Слава Тебе Боже наш, слава Тебе.
Стра́стию Твое́ю тва́рь поколеба́ся, на Кресте́ Тя́ ви́девше пригвожда́ема, Спа́се Преблаги́й. Те́мже молю́ Тя, прило́ги коле́блемый при́сно змии́ными, утверди́ у́м мо́й Ще́дре, на тве́рдем ка́мени Твои́х хоте́ний.
Припев: Пресвята́я Богоро́дице, спаси́ на́с.
Богоро́дичен: Две́ре Бо́жия заключе́на, е́юже еди́н про́йде Госпо́дь, напра́ви мя́ к стезя́м Боже́ственным, и отве́рзи ми́ спасе́ния две́ри, Богоблагода́тная: к Тебе́ бо прибега́ю Де́во, еди́ней предста́тельнице ро́да челове́ческаго.
Припев: Слава Тебе Боже наш, слава Тебе.
Дре́во всесвято́е, на не́мже Ты́ Христе́ мо́й распя́лся еси́, поя́ преблагословлю́ Тя́ во вся́ ве́ки.
Припев: Слава Тебе Боже наш, слава Тебе.
На Голго́фе, беззако́ннии Тя́ Христе́, распе́нше уби́ша: но живе́ши, и спаса́еши на́с во ве́ки.
Припев: Слава Тебе Боже наш, слава Тебе.
Креста́ Твоего́ Го́споди, си́лою вжили́в мя́, сподо́би благоду́шно сконча́ти поста́ тече́ние.
Слава. Тро́ичен: Странноле́пно разделя́ется Тро́ица, и пребыва́ет неразде́льна, я́ко Бо́г, Его́же превозно́сим во вся́ ве́ки.
И ныне. Богоро́дичен: Моли́тву сотвори́ о пою́щих Тя́ Пречи́стая, изба́витися вся́ких искуше́ний и бе́д.
Пе́снь 9
Ирмо́с: Иса́ие лику́й, Де́ва име́ во чре́ве и роди́ Сы́на Емману́ила, Бо́га же и Челове́ка, Восто́к и́мя Ему́: Его́же велича́юще, Де́ву ублажа́ем.
Припев: Слава Тебе Боже наш, слава Тебе.
Ка́мень Тя́ отсече́нный прови́де проро́к, от горы́ Де́вы Спа́се, сокруши́вшаго ка́мение Твои́м распя́тием. Те́мже отягче́на мя́ нечу́вствия ка́мением, я́ко Всеще́дрый, свободи́.
Припев: Слава Тебе Боже наш, слава Тебе.
Пости́ся от зло́бы душе́ моя́, Боже́ственною любо́вию наслажда́ющися, две́ри отве́рзи вся́ким благи́м ви́дом, загражда́ющи лука́вства вхо́д, воздержа́нием и моле́нием.
Припев: Слава Тебе Боже наш, слава Тебе.
Мене́ осужде́наго спаси́, осуди́вый Кресто́м Твои́м Влады́ко Спа́се мо́й вражду́, и да не пока́жеши гее́нне пови́нна, оскверне́наго страстьми́, и грехми́ омраче́наго.
Припев: Пресвята́я Богоро́дице, спаси́ на́с.
Богоро́дичен: Пощади́ мя́ Христе́, егда́ прии́деши суди́ти ми́ру со сла́вою, разреши́ мглу́ зло́б мои́х, мольба́ми Ро́ждшия Тя́, и насле́дника сотвори́ Небе́снаго Ца́рствия Твоего́.
Припев: Слава Тебе Боже наш, слава Тебе.
Па́ки ра́й отверза́еши еди́ною распе́нся, в не́мже причаща́яся жи́зни ра́дуюся, сме́рти избавля́яся ве́чныя преслуша́ния: те́мже Человеколю́бче, я́ко Бо́га моего́ велича́ю Тя́.
Припев: Слава Тебе Боже наш, слава Тебе.
Кля́твы орга́н, благослове́ния показа́ся печа́ть, Тво́й животво́рный Го́споди Кре́ст, на не́мже Тя́ взира́юще, оживля́емся уме́ршии пре́жде, и воспева́юще Тя́, я́ко влады́ку велича́ем.
Припев: Слава Тебе Боже наш, слава Тебе.
Кре́сте честны́й, кре́посте моя́ и прибе́жище, бу́ди ми́ просвеще́ние ны́не воздержа́тельно, веселя́ и очища́я мя́, избавля́я от искуше́ний: да прославля́я тебе́, Влады́ку велича́ю Христа́.
Сла́ва, тро́ичен: Еди́ну существо́м воспева́ю Тя́ безнача́льная Тро́ице честна́я, живонача́льная, несеко́мая еди́нице, О́тче нерожде́нный, и рожде́нный Сло́ве и Сы́не, Ду́ше святы́й, спаси́ ны́ пою́щыя Тя́.
И ныне, Богоро́дичен: Па́че ума́ Рождество́ Твое́ Богома́ти, без му́жа бо зача́тие в Тебе́, и де́вственно рожде́ние бы́сть, и́бо Бо́г е́сть рожде́йся: Его́же велича́юще, Тя́ Де́во ублажа́ем.
Ирмо́с: Иса́ие лику́й, Де́ва име́ во чре́ве и роди́ Сы́на Емману́ила, Бо́га же и Челове́ка, Восто́к и́мя Ему́: Его́же велича́юще, Де́ву ублажа́ем.
На шестом часе
(Исаия 7:1-14)
И было во дни Ахаза, сына Иоафамова, сына Озии, царя Иудейского, Рецин, царь Сирийский, и Факей, сын Ремалиин, царь Израильский, пошли против Иерусалима, чтобы завоевать его, но не могли завоевать. И было возвещено дому Давидову и сказано: Сирияне расположились в земле Ефремовой; и всколебалось сердце его и сердце народа его, как колеблются от ветра дерева в лесу. И сказал Господь Исаии: выйди ты и сын твой Шеар-ясув навстречу Ахазу, к концу водопровода верхнего пруда, на дорогу к полю белильничьему, и скажи ему: наблюдай и будь спокоен; не страшись и да не унывает сердце твое от двух концов этих дымящихся головней, от разгоревшегося гнева Рецина и Сириян и сына Ремалиина. Сирия, Ефрем и сын Ремалиин умышляют против тебя зло, говоря: пойдем на Иудею и возмутим ее, и овладеем ею и поставим в ней царем сына Тавеилова. Но Господь Бог так говорит: это не состоится и не сбудется; ибо глава Сирии - Дамаск, и глава Дамаска - Рецин; а чрез шестьдесят пять лет Ефрем перестанет быть народом; и глава Ефрема - Самария, и глава Самарии - сын Ремалиин. Если вы не верите, то потому, что вы не удостоверены. И продолжал Господь говорить к Ахазу, и сказал: проси себе знамения у Господа Бога твоего: проси или в глубине, или на высоте. И сказал Ахаз: не буду просить и не буду искушать Господа. Тогда сказал Исаия: слушайте же, дом Давидов! разве мало для вас затруднять людей, что вы хотите затруднять и Бога моего? Итак Сам Господь даст вам знамение: се, Дева во чреве приимет и родит Сына, и нарекут имя Ему: Еммануил.
На вечерне
(Бытие 5:32-6:8)
Ною было пятьсот лет и родил Ной [трех сынов]: Сима, Хама и Иафета. Когда люди начали умножаться на земле и родились у них дочери, тогда сыны Божии увидели дочерей человеческих, что они красивы, и брали их себе в жены, какую кто избрал. И сказал Господь [Бог]: не вечно Духу Моему быть пренебрегаемым человеками [сими], потому что они плоть; пусть будут дни их сто двадцать лет. В то время были на земле исполины, особенно же с того времени, как сыны Божии стали входить к дочерям человеческим, и они стали рождать им: это сильные, издревле славные люди. И увидел Господь [Бог], что велико развращение человеков на земле, и что все мысли и помышления сердца их были зло во всякое время; и раскаялся Господь, что создал человека на земле, и восскорбел в сердце Своем. И сказал Господь: истреблю с лица земли человеков, которых Я сотворил, от человека до скотов, и гадов и птиц небесных истреблю, ибо Я раскаялся, что создал их. Ной же обрел благодать пред очами Господа [Бога].
(Притчи 6:20-35)
Сын мой! храни заповедь отца твоего и не отвергай наставления матери твоей; навяжи их навсегда на сердце твое, обвяжи ими шею твою. Когда ты пойдешь, они будут руководить тебя; когда ляжешь спать, будут охранять тебя; когда пробудишься, будут беседовать с тобою: ибо заповедь есть светильник, и наставление - свет, и назидательные поучения - путь к жизни, чтобы остерегать тебя от негодной женщины, от льстивого языка чужой. Не пожелай красоты ее в сердце твоем, [да не уловлен будешь очами твоими,] и да не увлечет она тебя ресницами своими; потому что из-за жены блудной обнищевают до куска хлеба, а замужняя жена уловляет дорогую душу. Может ли кто взять себе огонь в пазуху, чтобы не прогорело платье его? Может ли кто ходить по горящим угольям, чтобы не обжечь ног своих? То же бывает и с тем, кто входит к жене ближнего своего: кто прикоснется к ней, не останется без вины. Не спускают вору, если он крадет, чтобы насытить душу свою, когда он голоден; но, будучи пойман, он заплатит всемеро, отдаст все имущество дома своего. Кто же прелюбодействует с женщиною, у того нет ума; тот губит душу свою, кто делает это: побои и позор найдет он, и бесчестие его не изгладится, потому что ревность - ярость мужа, и не пощадит он в день мщения, не примет никакого выкупа и не удовольствуется, сколько бы ты ни умножал даров.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. (Поклон земной.)
Дух же целому́дрия, смиренному́дрия, терпе́ния, и любве́, да́руй ми рабу́ Твоему́. (Поклон земной.)
Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (Поклон земной.)
Таже малых 12, глаголюще на кийждо поклон: Бо́же, очи́сти мя гре́шнаго.
Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. Дух же целому́дрия, смиренному́дрия, терпе́ния, и любве́, да́руй ми рабу́ Твоему́. Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (И поклон един великий.)
Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
Таже: Сла́ва, и ны́не: Го́споди, поми́луй, трижды.
Го́споди, Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, помилуй и спаси́ мя, гре́шнаго. Аминь.