It is wednesday, my dudes! Odkud jest toliko memov o žabah v srědu?
Jest jedin den sedmice, ktory v internetu možno oprěděliti po obrazkah s kruglymi usměhajučimi se žabami. Obyčno kartinky i videa imajut napisanja «It is wednesday, my dudes», čto znači «To je srěda, moji prijatelji». Memy v raznyh variacijah sut publikovane vot uže osm lět — i one dodnes nikomu sut ne dosadili.
Dovědimo se, odkud je pojavil se toj mem
Vprvo kartinka s žaboju je pojavila se na Tumblr v 2014 godu. Koristnik kidpix2 je opublikoval ju s napisanjem «It is wednesday, my dudes». Blog tematiku ne je iměl, je stalo se tak, že ljudi sut dělili se krasivymi obrazkami, gifami i memami. Vidimo, sam obrazok je byl vzety iz Reptmart – amerikanskogo veb-sajta, kde ljudi trgujut gadami i zemnovodnymi životinami. Dodnes ne jest izvestno, čto je htěl pověděti avtor i čemu je rěšil opublikovati izobraženje. On je ostavil toliko jednu podkazku v opisu – «wednesday meme».
Žaba iz obrazka prinaleži k vidu Lepidobatrachus laevis. One imajut zabavny izgled: kratka glava bez vidimoj šije, malenjke izpukle oči i mnogo široke usta. Te žaby izdavajut strašeče zvuky, kogdy čujut grozbu. One razduvajut se, odkryvajut usta i načinajut kričati – vo množstvu videj ljudi umyslno strašet žabu, da by dostati takovu reakciju.
Imenno neobyčne zvuky, ktore izdavaje žaba, sut pomogli memu. V 2016 roku koristnik Jimmy Here je opublikoval na servisu Vine kratko video, kde on je skazal frazu «It is wednesday, my dudes» i je načel imitovati krik žaby. To video je nabralo mnogo desetkov milionov poziranij, a drugi koristniki sut načeli stvarjati remiksy. Avtor několiko razov je filmoval videa v novyh kostjumah i situacijah i vsaku novu verziju je publikoval v srědu. Jimmy je pověděl v intervju kanalu Know Your Meme, že prosto je filmoval durne videa, a obrazok s žaboju je byl jegovym omiljenym memom, tomu on jego je procitoval.
Obrazok i memny zvuk je objedinil jutub-bloger ZimoNitrome v 2017 roku. V koncah videj žaba je izgovarjala rěčenje «It is wednesday, my dudes» glasom Džimmi Hira i je načinala kričati. ZimoNitrome je opublikoval vyše než 50 videj. Sut byli videa na Rodženje, Helouin, lětnji odpusk. Potom na jegovom kanalu je nastalo zatišje. V 2022 roku bloger je vratil se s dvoma videami o žabah, no ostatny jego kontent tutčas jest svezany s inymi memami.
Čemu mem prodolžaje žiti?
Virusne videa sut pomogli frazě «It is Wednesday, my dudes» trvalo zakrěpiti se v memah. Po tradiciji, ktoru sut osnovali Jimmy Here i ZimoNitrome, žaby sut publikovane izključno v srědu. V socialnyh sětah možno sustrěčati raznorodne prěinačenja obrazka. Žaba jest dodana v ine memy, stilizovana i dorysovana. Možno daže dodavati žabu ne iz vida Lepidobatrachus laevis.
Mem žive i tutčas, čto jest bezprecedentna dolgost za internetovy trend. Možlivo, uspěh leži v tom, že od obrazka je težko ustati. Vsekaky mem publikuje se do momenta, poka směška ne prěstavaje byti směšna. A žaba je aktualna jedino v srědu. I osoblivogo smysla v njej nemaje.
Jimmy Here svezyvaje uspěh mema s tym, že srěda jest najmenje popularny den sedmice. LJudi čekajut petok i vikend, nenavidet ponedělok. Žarty o tom možno sustrětiti dostatočno često i vně internet-kultury. «Srěda je neudačnik srěd dnev sedmice. Kto bude kričati po povodu togo, že je nastupila srěda?» - zadavaje si pytanje Hir. Jednakože internetu je udalo se najdti pričinu radovati se srědě izključno blagodare obrazku s zabavnoju žaboju i zvukam, ktore ta izdavaje.