Běloglavy orlan ložno prijel kamenj zaměsto jajca i počel jego izsědati.

Běloglavy orlan (morsky orel, lat. Haliaeetus) je ložno prijel kamenj zaměsto jajca i je počel jego izsědati.

Samec běloglavogo orlana po imenu Mjorfi (ang. Murphy) žive v vsesvětovom prirodnom rezervatu (ang. World Bird Sanctuary) v SŠA (ang. USA) v štatu Misuri (ang. Missouri). Od povoda travm on ne može byti izpuščeny v prirodu. Ale to ne je otegčilo jemu zahtěti stati otcem.

V minulom měsecu jedin iz služebnikov je ugleděl, čto Mjorfi ohranjaje malenjko poglubjenje v zemji. Ta jamka je byla gnězdo iz listja i větv, a v centru je byl neveliky kamenj. V prirodě samci běloglavyh orlanov učestvujut s samicami ravno v opekě za svojimi ptačetami, zatom tako postupanje ne jest neobyčno, ale izsědanje kamenja jest unikalno! Mjorfi žive v volierě s četyrěmi běloglavymi orlanami, ale cěly toj čas ptak je odganjal sorodičev od svojego gnězda.

Nedavno, po silnom větru, městni žitelji sut našli v gradu orlje gnězdo s dvoma ptačetami, ktoro je ležalo akurat na avtomobilnoj dragě. Jedno ptače je umrělo, a drugo je bylo dostavjeno v lěčiljnju WBS i podloženo v gnězdo Mjorfi. V početku rabotniki sut slědili za ptačetom i jego prijemnym tatoju, da by uběditi se, čto orlanok jest v bezopasnosti. Mjorfi je vyčekyval časinu, prědže než on je podšel k mladetu i glednul na njego. A na slědno jutro rabotniki sut ugleděli, čto Mjorfi je krmil ptače!