Zaglednuti dovnutra odlitogo metala
Znanje specifičnoj težiny davaje možlivost, bezo vsakogo razrězanja prědmeta, kako by zaglednuti v njego i odgovoriti, sut li tam někake pustoty. Budemo dati priměr.
Nehaj u vas v rukě je mědny prědmet, – napriměr, mala figurina (statuetka), – i vy hčete uznati: je li ona absolutno cěloju ili imaje pustoty vnutri? Provrčati ili někako drugo škoditi statuetku vy ne imajete želanja, zaisto. Kako postupiti?
Najprvo trěba je uznati objem figuriny. Za tuto budemo dostati kubičnu ili prěmokutnu banku i nalijemo dotud vodu. Gledimo na vysotu uravenja vody i idemo topiti tam našu figurinu: črez izměnjenje uravenja vody jest legko izčisliti objem prědmeta.
Nehaj širina banky je 12 cm, dolgost je 15 cm, a uravenj vody povysil se na 1,5 cm. Vtogda objem vody, ktoru zaměstil prědmet, bude ravnym V = 12 × 16 × 1,5 = 270 cm³. I tuto izměnjenje je, isto, objem statuetky.
1 kubičny centimetr mědi važi priblizno 9 gramov. Zato, jestli by věč byla jednolitoju, ona važila by priblizno
Zatom vy idete to izměritelnoj vagy (bez ktoroj v danom slučaju my ne možemo) i uznavajete, že v realnosti statuetka imaje težinu samo 2 200 gramov, a to je na 230 gramov menje od teoretičnogo.
Tuto pokazyvaje, že vnutri njej jest jedna ili několiko pustot, obči objem ktoryh je ravny objemu nedostavajučih 230 gramov. Kaky objem zajmajut 230 gramov mědi? My uznajemo tuto, kogda razdělilimo 230 na 9. V finalu, jesmo dostali resultat v 25.5 kubičnyh centimetrov.
Tako, bezo vsakoj škody za statuetku, my jesmo uznali ne jedino toj fakt, že ona imaje vnutri sebe jednu ili několiko pustot, no uviděli takože i objem tutyh pustot – priblizno 25 cm³.