It is wednesday, my dudes! Одкуд јест толико мемов о жабах в срєду?
Јест једин ден седмице, кторы в интернету можно опрєдєлити по образках с круглыми усмєхајучими се жабами. Обычно картинкы и видеа имајут написанја «It is wednesday, my dudes», что значи «То је срєда, моји пријатељи». Мемы в разных вариацијах сут публиковане вот уже осм лєт — и оне доднес никому сут не досадили.
Довєдимо се, одкуд је појавил се тој мем
Впрво картинка с жабоју је појавила се на Tumblr в 2014 году. Користник kidpix2 је опубликовал ју с написанјем «It is wednesday, my dudes». Блог тематику не је имєл, је стало се так, же људи сут дєлили се красивыми образками, гифами и мемами. Видимо, сам образок је был взеты из Reptmart – американского веб-сајта, кде људи тргујут гадами и земноводными животинами. Доднес не јест известно, что је хтєл повєдєти автор и чему је рєшил опубликовати изображенје. Он је оставил толико једну подказку в опису – «wednesday meme».
Жаба из образка приналежи к виду Lepidobatrachus laevis. Оне имајут забавны изглед: кратка глава без видимој шије, малењке изпукле очи и много широке уста. Те жабы издавајут страшече звукы, когды чујут грозбу. Оне раздувајут се, одкрывајут уста и начинајут кричати – во множству видеj људи умыслно страшет жабу, да бы достати такову реакцију.
Именно необычне звукы, кторе издаваје жаба, сут помогли мему. В 2016 року користник Jimmy Here је опубликовал на сервису Vine кратко видео, кде он је сказал фразу «It is wednesday, my dudes» и је начел имитовати крик жабы. То видео је набрало много десетков милионов позираниј, а други користники сут начели стварјати ремиксы. Автор нєколико разов је филмовал видеа в новых костјумах и ситуацијах и всаку нову верзију је публиковал в срєду. Jimmy је повєдєл в интервју каналу Know Your Meme, же просто је филмовал дурне видеа, а образок с жабоју је был јеговым омиљеным мемом, тому он јего је процитовал.
Образок и мемны звук је објединил јутуб-блогер ZimoNitrome в 2017 року. В концах видеј жаба је изговарјала рєченје «It is wednesday, my dudes» гласом Джимми Хира и је начинала кричати. ZimoNitrome је опубликовал выше неж 50 видеј. Сут были видеа на Родженје, Хелоуин, лєтњи одпуск. Потом на јеговом каналу је настало затишје. В 2022 року блогер је вратил се с двома видеами о жабах, но остатны јего контент тутчас јест свезаны с иными мемами.
Чему мем продолжаје жити?
Вирусне видеа сут помогли фразє «It is Wednesday, my dudes» трвало закрєпити се в мемах. По традицији, ктору сут основали Jimmy Here и ZimoNitrome, жабы сут публиковане изкључно в срєду. В социалных сєтах можно сустрєчати разнородне прєиначенја образка. Жаба јест додана в ине мемы, стилизована и дорысована. Можно даже додавати жабу не из вида Lepidobatrachus laevis.
Мем живе и тутчас, что јест безпрецедентна долгост за интернетовы тренд. Можливо, успєх лежи в том, же од образка је тежко устати. Всекакы мем публикује се до момента, пока смєшка не прєставаје быти смєшна. А жаба је актуална једино в срєду. И особливого смысла в њеј немаје.
Jimmy Here свезываје успєх мема с тым, же срєда јест најмење популарны ден седмице. Људи чекајут петок и викенд, ненавидет понедєлок. Жарты о том можно сустрєтити достаточно често и внє интернет-културы. «Срєда је неудачник срєд днев седмице. Кто буде кричати по поводу того, же је наступила срєда?» - задаваје си пытанје Хир. Jеднакоже интернету је удало се најдти причину радовати се срєдє изкључно благодаре образку с забавноју жабоју и звукам, кторе та издаваје.