DNK všij pomogla uznati čas pojavjenja odědži

Obyčajno my myslimo, že rabota historika jest izučenje knig ili starinnyh prědmetov, ale ja hču razkazati o priměru, kogda važna informacija okazala se skryta... v genetičnom kodu ljudskyh parazitov. Tut jest citata iz knigy A. Pančina «Suma biotehnologije»:

Vši, živuče vo vlasah člověka, imajut seriozne razliky od všij, ktore živut na jegovom oblěčenju (odědža). To sut razliky v postupanju, v strukturě těla, i, samorazumno, v genetikě. Jest dost jasno, že evolucija všij, ktore živut na oblěčenju, ne mogla početi se ranje, než ljudi sut počeli nositi oblěčenja, i zato, ako li my proanalizujemo genetične razliky dvoh rodov ljudskyh všij, my smožemo ocěniti, kako davno pojavila se odědža.

Za toj cělj trěba jedino znati, koliko mutacij stvorilo se od momenta, kogda populacije všij razdělili se, koliko novyh mutacij imaje vsako novo pokoljenje všij, i kaky čas jest potrěbny za směnu pokoljenij.

Ta metoda nazyvaje se metoda molekularnyh časovnikov, i ona někogda pomogla najdti prědka vsih živyh organizmov, ale tutčas biologam bylo potrěbno glednuti v minulost ne tako gluboko. Čto jest dvěste tyseč lět, jedino kratky mig za našu planetu.

Gledeči na tute dane, evolucijny biolog Melisa Toups zajedno s kolegami smogla izčisliti, že naši prědki sut počeli nositi odědžu [priblizno 170,000 lět nazad.]((https://www.sciencedaily.com/releases/2011/01/110106164616.htm)

A na obrazkah vy možete viděti rekonstruovano oblěčenje najvyše staroj mumije Evropy – člověka Etci, ktory zamrznul v alpijskyh gorah priblizno v 3300 godu do našej ery.