В социалных сєтах в начелу тутој јесењи широко разпространил се мем об интересу мужев к Римској империји

Начетницеју тренда считаје се шведска блогерка по имени Saskia Cort, ктора јешче в 9-ом мєсецу 2022 је прєдложила својим подписницам, да бы оне спытали всакого хлапца, мысли ли он о Римской империји. Дєвчины сут попробовали и повєдєли о резултатах. Оказало се, Стародавны Рим често зајмаје разумы мужев — по признанјах нєкторых, нєколико разов в дењ.

Скоро тренд је стал вирусны. Особливу популарност он је набрал в краткых видеах, кде дєвчины сут филмовали реакцију мужев на пытанје о том, как често јим на разум приходи Римска империја. «Как генерално можно не мыслити о Римској империји?» — је задал си пытанје једин из херојев шортса. При том нєктори мужи в социалных сєтах сут увєрјали, же сут стали изкљученјем из правила.

Једнако сут појавили се противники љубитељев Римској империји, стврдивши, же не меншу важност сут заслужили Османска империја и Стародавна Греција. Многи користники сєти такоже сут повєдєли, же всакодневно замысљајут се совсєм об иных епохах и јавјенјах — од динозавров до неотворјеных тајн, как трагедија на тєснинє Дјатлова.

Что так принуджаје мужев размысљати о Римској империји? Нєкто је објаснил то римскым вливом – когды много познајете о Римској империји, јеј влив начинајете примєчати всекде. Нєкто с интересом прєдставјаје собє на мєсту императора, сенатора или гладиатора. Кромє того, јест много популарных филмов и сериалов о тој епохє. Да и често бываје так, же автори прєукрашивајут ју.

Чему нєкторе европске регионы сут выше богате неж друге? Ибо Рим. Чему ширина желєзных драг јест така а не друга? То јест римскы стандард ширины возов. Чему Италија јест република, а в парламенту там сєдет сенатори? - Ибо Рим. Чему в Москвє на мостах сут изображене фасције? - Ибо Рим. Чему в совєтској архитектурє јест так много колон? - И тут тож je Рим. (И никого не зајмаје, что там строили Греки. По цєлој Европє то разнесл Рим.) Чему Ким Чонг Ун je названы диктатором? - Снова Рим... Чему нєкаке државы имајут имперске амбиције? - Да, ибо Рим. Чему нацисти салутујут sieg heil? - Ибо Рим. Чему закон је суровы, але он je закон? - Рим. Чему всуды сут на гербах орли? - И тут Рим!»

Оригиналны чланок: https://lenta.ru/news/2023/09/23/roman_empire/