V socialnyh sětah v načelu tutoj jesenji široko razprostranil se mem ob interesu mužev k Rimskoj imperiji

Načetniceju trenda sčitaje se švedska blogerka po imeni Saskia Cort, ktora ješče v 9-om měsecu 2022 je prědložila svojim podpisnicam, da by one spytali vsakogo hlapca, mysli li on o Rimskoj imperiji. Děvčiny sut poprobovali i pověděli o rezultatah. Okazalo se, Starodavny Rim često zajmaje razumy mužev — po priznanjah něktoryh, několiko razov v denj.

Skoro trend je stal virusny. Osoblivu popularnost on je nabral v kratkyh videah, kde děvčiny sut filmovali reakciju mužev na pytanje o tom, kak često jim na razum prihodi Rimska imperija. «Kak generalno možno ne mysliti o Rimskoj imperiji?» — je zadal si pytanje jedin iz herojev šortsa. Pri tom něktori muži v socialnyh sětah sut uvěrjali, že sut stali izključenjem iz pravila.

Jednako sut pojavili se protivniki ljubiteljev Rimskoj imperiji, stvrdivši, že ne menšu važnost sut zaslužili Osmanska imperija i Starodavna Grecija. Mnogi koristniki sěti takože sut pověděli, že vsakodnevno zamysljajut se sovsěm ob inyh epohah i javjenjah — od dinozavrov do neotvorjenyh tajn, kak tragedija na těsnině Djatlova.

Čto tak prinudžaje mužev razmysljati o Rimskoj imperiji? Někto je objasnil to rimskym vlivom – kogdy mnogo poznajete o Rimskoj imperiji, jej vliv načinajete priměčati vsekde. Někto s interesom prědstavjaje sobě na městu imperatora, senatora ili gladiatora. Kromě togo, jest mnogo popularnyh filmov i serialov o toj epohě. Da i često byvaje tak, že avtori prěukrašivajut ju.

Čemu něktore evropske regiony sut vyše bogate než druge? Ibo Rim. Čemu širina želěznyh drag jest taka a ne druga? To jest rimsky standard širiny vozov. Čemu Italija jest republika, a v parlamentu tam sědet senatori? - Ibo Rim. Čemu v Moskvě na mostah sut izobražene fascije? - Ibo Rim. Čemu v sovětskoj arhitekturě jest tak mnogo kolon? - I tut tož je Rim. (I nikogo ne zajmaje, čto tam stroili Greki. Po cěloj Evropě to raznesl Rim.) Čemu Kim Čong Un je nazvany diktatorom? - Snova Rim... Čemu někake državy imajut imperske ambicije? - Da, ibo Rim. Čemu nacisti salutujut sieg heil? - Ibo Rim. Čemu zakon je surovy, ale on je zakon? - Rim. Čemu vsudy sut na gerbah orli? - I tut Rim!»

Originalny članok: https://lenta.ru/nevs/2023/09/23/roman_empire/