Бєлоглавы орлан ложно пријел камењ замєсто јајца и почел јего изсєдати.

Бєлоглавы орлан (морскы орел, лат. Haliaeetus) је ложно пријел камењ замєсто јајца и је почел јего изсєдати.

Самец бєлоглавого орлана по имену Мjoрфи (анг. Murphy) живе в всесвєтовом природном резервату (анг. World Bird Sanctuary) в США (анг. USA) в штату Мисури (анг. Missouri). Од повода травм он не може быти изпушчены в природу. Але то не је отегчило јему захтєти стати отцем.

В минулом мєсецу једин из служебников је угледєл, что Мjoрфи охрањаје малењко поглубјенје в земји. Та јамка је была гнєздо из листја и вєтв, а в центру је был невеликы камењ. В природє самци бєлоглавых орланов учествујут с самицами равно в опекє за својими птачетами, затом тако поступанје не јест необычно, але изсєданје камења јест уникално! Мjoрфи живе в волиерє с четырєми бєлоглавыми орланами, але цєлы тој час птак је одгањал сородичев од својего гнєзда.

Недавно, по силном вєтру, мєстни житељи сут нашли в граду орлје гнєздо с двома птачетами, кторо је лежало акурат на автомобилној драгє. Једно птаче је умрєло, а друго је было доставјено в лєчиљњу WBS и подложено в гнєздо Мjoрфи.
В почетку работники сут слєдили за птачетом и јего пријемным татоју, да бы убєдити се, что орланок јест в безопасности. Мjoрфи је вычекывал часину, прєдже неж он је подшел к младету и гледнул на њего. А на слєдно јутро работники сут угледєли, что Мjoрфи је крмил птаче!