⚡️ Хизмат кўрсатиш соҳасидаги тадбиркорларга кредит ажратилади

“Хизматлар соҳасини қўллаб-қувватлаш чора-тадбирлари тўғрисида” Президент қарори (ПҚ–4752-сон, 16.06.2020 й.) қабул қилинди.

💰 Қарорга мувофиқ, хизматлар соҳасини ривожлантириш учун тижорат банкларига Тикланиш ва тараққиёт жамғармасидан 100 миллион АҚШ доллари эквивалентида кредит ажратилади.

♻️ Кредит тижорат банкларига 7 йил муддатга, шу жумладан 3 йиллик имтиёзли давр билан фоиз ставкаси Марказий банкнинг асосий ставкасидан 4 фоиз паст қилиб берилади.

🏦 Кредитлар хизмат кўрсатиш соҳасидаги тадбиркорларга, айниқса маиший, таълим, тиббий, ахборот-коммуникация ва бошқа талаб юқори бўлган соҳаларда фаолият кўрсатадиган корхоналарни ташкил этиш (молия ва савдо соҳаларидаги тадбиркорлик субъектлари бундан мустасно) ва жиҳозлаш учун Марказий банкнинг асосий ставкаси бўйича 1 миллиард сўмгача миқдорда ажратилади.

📌 Кредит маблағларининг камида 20 фоизи аёллар ва ёш тадбиркорларга ажратилади.

❗️Шунингдек, ўзини ўзи банд қилган шахслар шуғулланиши мумкин бўлган 67 та фаолият (ишлар ва хизматлар) турлари бўйича (https://lex.uz/docs/4849607) “Ҳар бир оила – тадбиркор” дастури доирасида кредитлар ажратилади.

Андижон вилоят адлия бошқармаси

Андижон вилояти адлия бошқармасининг ижтимоий тармоқлардаги саҳифалари:

• Telegramдаги расмий саҳифаси: https://t.me/adliyaboshqarmasi
• Facebook тармоғидаги расмий саҳифаси: https://www.facebook.com/groups/337429253450805/
• Саволларингизни йўллаш учун:Telegram-bot: @murojaatadliyaga_bot