Имконияти чекланган кишилар иш топишда қандай тўсиқларга учраяпти? 

Иш топиш ҳамма учун қийин бўлиши мумкин, аммо ногиронлиги бўлган ёшлар учун тўсиқлар янада кўпроқ. Инклюзив меҳнат бозорини яратишга қаратилган саъй-ҳаракатларга қарамай, кўпчилик ҳамон меҳнат бозорига тўлиқ киришга тўсқинлик қиладиган тизимли муаммоларга дуч келмоқда.

Ижтимоий ҳимояни ривожлантириш институти томонидан ўтказилган тадқиқотда қуйидаги асосий тўсиқлар аниқланди (https://t.me/isi_uzb/155):
Камситиш ва стереотиплар. Иш берувчилар кўпинча ногиронлиги бўлган шахсларнинг қобилиятларини паст баҳолашади.
Иш жойларининг мослаштирилмагани. Кўпгина идоралар, жамоат транспорти ва рақамли воситалар ногиронлиги бўлган шахслар учун ноқулай.
Таълим ва касбий тайёргарлик имкониятларининг чеклангани. Касб-ҳунар курслари ва олий ўқув юртларида кўпинча мослаштирилган ўқув материаллари ва қўллаб-қувватлаш тизимлари мавжуд эмас.
Ижтимоий нафақалардан маҳрум бўлишдан қўрқиш. Кўпчилик ишга кирганда ногиронлик нафақаси бекор бўлади деган янглиш фикрга эга. Шунинг учун иш қидириш фикридан воз кечади.
Шунингдек, ҳуқуқий ва институционал тўсиқлар ногиронлиги бўлган иш изловчилар учун қўшимча қийинчиликлар туғдиради.