Ўқитувчиларни мажбурий меҳнатга жалб қилиш жавобгарликка сабаб бўлади

Ўқитувчи ва мураббийларни нафақат иш берувчилар балки, мажбурий меҳнатга йўл қўйган барча масъул мансабдор шахсларга нисбатан ҳам жавобгарлик чоралари қўлланилади. Бу каби ҳолатларни аниқлаш учун бугун, 15 август санасидан бошлаб, бутун республика бўйича мактаб ва мактабгача таълим муассасаларида "Мажбурий меҳнатга қарши курашиш ҳафталиги" эълон қилинди. Бу ҳақда Бандлик вазирлиги ахборот хизмати хабар берди. https://t.me/mehnatvazirligi/18783

Хабарга кўра, ушбу ҳафталик давомида Меҳнат инспекцияси барча таълим муассасаларида назорат тадбирлари ўтказади.

Маълумот учун, ОАВ ва ижтимоий тармоқларда ёритилган 10 га яқин ўқитувчи ва мураббийларни мажбурий меҳнатга жалб этиш ҳолатлари тасдиғини топиб, айбдор мансабдор шахсларга нисбатан маъмурий жавобгарлик чоралари қўлланилган. Тегишли вазирлик ва идораларга қонунбузилиш ҳолатларининг келиб чиқиш сабабларини ўрганиш ҳамда уларнинг келиб чиқишига имкон берувчи шарт-шароитларни бартараф этиш юзасидан тақдимнома киритилган.

Ҳозирги вақтда деярли барча мактабларда таъмирлаш ишлари аллақачон тугатилган бўлиш эҳтимоли катта.