БМТ Гулнора Каримованинг ҳибсга олинишини ўзбошимчалик деб атади

БМТ қўмитаси Гулнора Каримованинг Ўзбекистонда ҳибсга олиниши ўзбошимчалик билан қилинган дея баҳоланмоқда. Бу ҳақда Швейцариянинг SWI нашри хабар берди. (https://www.swissinfo.ch/eng/various/un-committee-considers-karimovas-detention-arbitrary/89631295)

Хабарга кўра, БМТнинг Ихтиёрий равишда ҳибсга олиш бўйича Ишчи гуруҳи Ўзбекистон Каримованинг асосий ҳуқуқларини бузганини, Каримова Ўзбекистон хавфсизлик кучлари томонидан ҳеч қандай ордер ва тушунтиришсиз ҳибсга олинганини таъкидлаган.

Шунингдек, унинг ҳибсга олиниши ва қамоқда ушлаб турилиши бўйича мустақил тергов ўтказилиши кераклиги, масъуллар жазоланиши, улар Каримовага тегишли товон пули тўланиши лозимлигини қўшимча қилган.

Келтирилишича, Швейцария Федерал прокуратураси Каримова ва унинг бир нечта компаниялари вакилларига қарши пул ювиш бўйича иш очган эди. Тахминан 800 миллион франк музлатиб қўйилган.

Бир неча мураккаб жараёнлардан сўнг, Швейцария Федерал жиноят суди 2021 йилда музлатилган маблағнинг бир қисмини қайтаришга қарор қилган, жами 293 миллион франкни мусодара қилиб Ўзбекистонга топширган.