"O'kinma"(Doktor Oiz Qarniy) asari

"O'kinma" ( La tahzan) - ushbu asar arabistonlik mashhur yozuvchi va davlat arbobi. Oiz ibn Abdulloh ibn Oiz al- Qarniy qalamiga mansub.

Ushbu kitobda juda ibratli gaplar , nasihatlar , avliyo- yu anbiyolar hayotidan lavhalar, o'gitlar o'rin olgan.

"Ushbu kitob sizga xushchaqchaq va baxtli bo'ling, yaxshilik tomonini izlang va tinchlaning deydi. Hayotga o'z holicha boqishni , mamnun , quvnoq va shod yashashni o'rgatadi.

Yo'nalishlar, odamlar ,zamon va makon bilan muomala qilishda fitratga zid xatolarni tuzatadi "

"Ushbu O'kinma kitobini o'qib, uni sog'lom mantiq va aql muhokamasiga topshiring. Shunda mazmunni bexato anglaysiz "

" Ushbu kitob siqilganlar , g'am tashvish chekayotganlar, musibatzadalar , iztirob sabab uyqusizlik dardiga mubtalo bo'lganlar uchundir"

Adib asar muqaddimasida yuqoridagi yo'nalishlarni beradi. Ushbu asar har birimiz uchun juda katta ibrat vazifasini o'taydi. Asarni diqqat bilan o'qish ( eshitish ) lozim. Yozuvchi asarga tajribali psixolog sifatida yondashgan.

Har bir inson hayotida og'ir damlar, tashvishlar, azoblar bo'ladi. Hech qachon hayot bir tekisda , ravon bo'lmaydi. Asar mutoalasi davomida gap xuddi siz haqingizda ketayotgandek tuyuladi... Chunki, hammaning hayotida bunday vaziyatlar kuzatiladi. Asar sizni o'ylantirib qo'yishi tabiiy hol . Shu paytgacha o'tgan hayotingiz haqida mushohada qilasiz, o'ylaysiz , fikrlaysiz , afsuslanasiz , yig'laysiz...

Insonning hayotidagi yagona taskin beruvchi , yagona suyanchiq , yagona ishongani - Alloh !

"Alloh - eng chiroyli ism. Harflarning eng go'zali, kalimalarning eng buyugidir. Har kuni U tinimsiz harakatdadir. Unga teng biror zotni bilurmisiz?!

Uning zikri bilan tillar aylanib, yordam so'rab , hamd o'qib , nido qilur . Uning zikri bilan qalblar xotirjam, ruhlar oromda, tuyg'ular sokin, aql joyida , e'tiqod mustahkamdir"

Asarda Qur'ondan, hadisdan namunalar keltirilgan. Ulug' zotlarning hayoti ibrat qilib ko'rsatlgan. Payg'ambarimiz Muhammad s.a.v haqida ham go'zal fikrlarni uchratasiz.

Asarda bosh g'oya - inson ruhining xotirjamligi, sokinligiga erishish. Bu o'tkinchi , yolg'on dunyoga ishonmaslik, haqiqiy dunyoda ko'rish mumkin bo'lgan azoblar oldida ushbu musibatlar sariq chaqalik qiymatga ega emasligi, insonlarning e'tiqodi mustahkam bo'lishiga erishish kabilardir.

Zamon g'ajib so'ngaklarimni ,
Zamin yuzin qoplasa g'ubor.
Munjotim bo'lding dilimda,
Munojotga aylandim xushhol...

Asardan iqtiboslar:

Odamlarga har qanday yaxshilikni ravo ko'ring, shunda qalbingiz shodlanadi.

☆☆☆

Samarali ishlar bilan band bo'ling , shunda g'am anduhni unutasiz.

☆☆☆

G'azablanmang! Halim va oliyjanob bo'ling chunki hayot juda qisqadir...

☆☆☆

Qo'lingizdagi ne'mat bilan yo'qotganlaringizni chamalab ko'ring. Shunda yo'qotganlaringizdan ko'ra topganingiz ko'pligiga amin bo'lasiz.

☆☆☆

Alloh sizga bergan ne'matlar haqida fikr yuriting

☆☆☆

Allohdan kechirishini , tan sog'lik , ofiyat berishini duo qilib so'rang.

☆☆☆

Ey insonlar , Alloh yerdagi barcha narsalarni sizga bo'ysundirib qo'yganini ko'rmadingizmi

☆☆☆

Shukr qiling , doimo tavbada bo'ling.

☆☆☆

Ne'matlar tugab , intiqom vaqti kelishini kutmang, Allohga tavakkul qiling.

☆☆☆

O'tgan ish o'tdi. O'tgan ishga siqilish befoydadir. O'kinish ularni qaytarmaydi.

☆☆☆

O'tgan zamon daftarini o'qishingiz - bugungi kunning yo'q bo'lishidir. O'tib ketgan ishga qaytmoqchi bo'lgan odam xuddi unni qayta tegirmondan chiqarmoqchi yoki arralangan yig'ochni yana arralamoqchi bo'lgan odamga o'xshaydi...

☆☆☆

Haqiqiy kun - buguningizdir. Umringiz bir kun - yashash abadiy degani shudir.

Nilufar Zokirovna