Just yours daddy
Universitetdagi tanaffuslardan birida Nari va idol yigit yashirincha kampus tashqarisida uchrashib qoldi. Ular faqat oddiy suhbatlashish uchun, kitob haqida gapirish uchun chiqqan edi.
Lekin daraxtlar orasida yashirincha kameralar chaqilladi. Suratga olindi.
Ertasi kuni ertalab internet portladi:
“Yangi model Nari mashhur idol bilan uchrashmoqda!”
Sarlavhalar, forumlarda qichqiriqlar, muxlislarning qahrli izohlari...
Nari qo‘rquvdan muzlab qoldi. U bunday narsaga tayyor emas edi.
Skandal tarqalgan kuni kechqurun Tea uni ko‘rdi. U jilmaymadi, gapirmadi — faqat ko‘zlari sovuq chaqnardi.
— Demak, shundaymi? — dedi u past ohangda. — Sen meni emas, uni tanlaysanmi?
— Yo‘q, Tea... u faqat do‘stim, — dedi Nari, titrab.
Tea jilmayib boshini chayqadi, lekin bu jilmayishda g‘azab bor edi. U qo‘llarini Nari yelkasiga qo‘ydi va yuziga tikildi:
— Esingda tut, Nari. Sen meniki. Hech kim seni mendan tortib olmaydi.
Nari yuragi gursillab urdi. Bu gap mehrmi yoki tahdidmi — ajrata olmadi.
Oradan ko‘p o‘tmay, idol yigit Nari bilan uchrashdi. U hamma narsadan xabar topgandi.
— Men seni himoya qilaman, — dedi u qat’iy. — Agar kompaniya bosim qilsa, men hammaning oldida rostini aytaman. Bizning do‘stligimizni ham, sening pokligingni ham.
Nari ko‘zlariga yosh oldi. Tea unga “meniki bo‘lasan” desa, bu yigit “men seni himoya qilaman” derdi.
Ikki yo‘l, ikki xil muhabbat, ikki xil taqdir...
Kecha kechqurun kompaniya binosining oldida qora mashina to‘xtadi. Nari ichkaridan chiqayotgan edi, yonidan mashina eshigi ochildi.
Tea chiqdi. Uning nigohlari qorong‘u kechadan ham sovuqroq edi.
Shu payt boshqa tomondan kimdir kelib qoldi — idol yigit. U Nari yoniga o‘tdi, himoyaga tayyor odamdek turdi.
Havoda elektr zaryadi paydo bo‘lgandek bo‘ldi. Uchovlon qarama-qarshi turishdi.
Tea past ovozda, ammo tig‘dek keskin gapirdi:
— Uni qo‘yib yubor. U meniki.
Idol esa ko‘zini olib qochmadi:
— Sen uni egallay olmaysan. U inson, qo‘g‘irchoq emas. Agar sen haqiqatan uni sevsang — ozod qil.
Tea kuldi, ammo bu kulgi sovuq edi:
— Sen ham uni ozod qila olmaysan. Chunki u bu dunyoda yolg‘iz qoladi. Uni himoya qila oladigan faqat menman.
Nari yuragi qinidan chiqib ketayotgandek urardi. Bu ikki erkak — biri uning xavfsiz dunyosi, biri esa erkinligi — endi bir-biriga qarshi turgan edi.
Birdan paparatsilar chiroqlari chaqnab ketdi! 📸
Mashina yonidan yashirin fotograf chiqib, ularning uchchalasini suratga ola boshladi.
— Chetda turinglar! — dedi idol, qo‘lini kameraga to‘sib.
— Kech bo‘ldi, — dedi Tea, g‘azab bilan. — Endi hamma biladi.
Nari hushidan ketay dedi. Bu lahza uning hayotini butunlay ag‘darib tashlashini sezdi.
Ertasi kuni ertalab kompaniya direktori uni kabinetiga chaqirdi. Stol ustida gazetalar, internet sarlavhalari:
“Yangi model ikki erkak orasida?”
“Idolning sirli sevgilisi aniqlandi!”
Direktor yuziga sovuq qaradi:
— Nari, endi tanlov qil.
Yo kompaniya bilan qolib, hamma narsani unutasan.
Yo bu yo‘ldan voz kechasan va ularning yoniga ketasan.
Kabinetdagi havo o‘ta og‘ir edi. Tea tashqarida kutardi. Idol esa telefonida xabar yo‘llardi: “Men seni himoya qilaman.”
Nari esa his qildi: bu nafaqat tanlov, bu uning butun taqdirini belgilaydigan qaror edi.