Just yours daddy
Kompaniya binosidan chiqayotganida Nari yuragi allaqachon hapriqib ketgan edi. Uning qaroridan oldin ikki olov o‘rtasida qolishini bilardi.
Ko‘chada ularni kutib turgan ikki nigoh — Tea va idol.
Ular bir-biriga yaqinlashdi. Atrofda odamlar to‘planib, hushyor qarab turishardi.
— Yetar! — dedi Tea, ovozi qattiq, ammo o‘zi titrab. — Sen mening qizimni tortib ola olmaysan. U meniki.
Idol bir qadam oldinga chiqdi. Ko‘zlari yonib ketayotgandek edi:
— Sen uni “meniki” deb ataysan. Lekin Nari odam, buyum emas! U seni qo‘rqib sevmaydi. U seni majbur bo‘lgani uchun yoningda emas.
Nari nafasi qisilib qoldi. Tea yuzini qizarib, g‘azab bilan idol tomon bostirib bordi.
— Sen… sen uni buzasan! U mening hayotim! — Tea ovozini ko‘tarib yubordi va qo‘lidan tortib olishga harakat qildi.
Idol esa qo‘lini yoyib, Nari oldida devordek turdi:
— Agar unga tegishga urinsang… meni o‘tib o‘tasan.
Nari titrab ketdi. Tea — uni himoya qilishini aytib, lekin asirdek tutayotgan odam. Idol — uni ozod qilishni xohlardi, ammo uning yonida qolsa, hamma narsasidan ayrilardi.
— To‘xta! — deb qichqirdi Nari, ovozi titrab. Ko‘zlari yoshlanib ketdi. — Ikkoving ham meni tortib olishni to‘xtating! Men odam-man! Men tanlov qila olaman!
Tea muzdek qaradi:
— Tanla unda. Meni yoki uni.
Idol ham jim qoldi, lekin nigohi yalvarardi.
Butun dunyo go‘yo to‘xtadi. Faqat yurak urishi eshitilardi.
Ko‘zlarida yosh, yuragi esa ming bo‘lakka bo‘lingandek, Nari ikkala tomonga ham qaradi. Tea — sovuq, ammo himoya qiluvchi ko‘zlar. Idol — issiq, ammo xavfga to‘la nigoh.
O‘zi ham bilardi: ikkisini ham tanlay olmaydi. Lekin sukut ham uni yemirib tashlaydi.
— Men... — dedi u qaltirab. — Men erkin bo‘lishni xohlayman. Men qo‘g‘irchoq emasman.
Tea yuzidan rang qochdi.
Idol esa asta yoniga qadam tashladi.
— Demak… meni tanlading, — dedi Tea past ovozda, ko‘zlari g‘azabdan yonib.
Nari boshini chayqadi:
— Yo‘q… men faqat o‘zimni tanladim. Hech kimni emas.
Oradan bir necha soat o‘tib, internetda portlash sodir bo‘ldi. Kompaniya Nari haqida rasmiy bayonot chiqardi:
“Bizning modelimiz shaxsiy hayot qoidalarini buzdi. Shuning uchun u bilan shartnoma bekor qilinadi.”
Gazetalar, forumlar, hatto televizorlar ham faqat Nari haqida gapira boshladi.
“Xiyonatkor qiz”, “idolni buzgan qiz”, “Nari kimga tegishli?” kabi sarlavhalar qichqirardi.
Nari telefonini o‘chirib tashladi. U dunyodan uzilib qolgandek edi.
Shu payt eshik qattiq taqilladi. Nari yuragi hapriqib ochdi. Eshik ortida Tea turardi. Nigohi qorong‘u edi.
— Men seni ogohlantirgandim, — dedi u, past ovozda. — Endi ko‘rdingmi, sen hamma narsasiz qolding. Men seni qayta tiklay olaman… agar men bilan qolsang.
Nari ko‘z yoshlarini yuta olmadi.
Ammo birdan orqadan boshqa bir ovoz eshitildi:
Bu idol edi. U ham kelgan edi. Endi ular uchovi bir xonada, zulmat ostida turardi.
Bu safar esa tanlov Nari qo‘lida emasdi. Bu tanlov hayot va kelajak o‘rtasida edi.