Наманган шаҳар 2-болалар-ўсмирлар спорт мактабида Шахмат бўйича "Раҳбар соврини" мусобақаси ўтказилди

2021 йил 15 июл куни, Ўзбекистон Республикаси Президентининг 2021 йил 14 январдаги “Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида”ги ПҚ-4954-сон қарори ижросини таъминлаш шунингдек, 20 июл – “Бутунжахон шахмат куни”га бағишлаб, “Ўзбекистонни энг шахмат ўйнайдиган давлатга айлантирайлик” шиори остида шахмат бўйича Наманган шаҳар 2-болалар-ўсмирлар спорт мактабининг “Раҳбар соврини” учун мусобақалари доирасида спорт мактабининг тренерлари ва ишчи ходимлари ўртасида шахмат беллашувлари бўлиб ўтди.

Мазкур мусобақада 2-болалар-ўсмирлар спорт мактабининг 63 нафар тренерлари ва ишчи ходимлари иштирок этдилар.

Мусобақада баскетбол бўйича тренер Камалов Абдулазиз 1-ўринни, музаккомпониатор Мамаджанов Тохиржон 2-ўринни, таэквондо ITF бўйича тренер Юлдашева Муниса 3-ўринни эгалладилар, мусобақанинг ғолиб ва совриндорлари Наманган шаҳар 2-болалар-ўсмирлар спорт мактаби раҳбарининг совринлари билан тақдирландилар.

Наманган вилоят туризм ва спорт бош бошқармасининг расмий каналига аъзо бўлинг 👉 @namtursport