ЖАРЫС ЖЕҢИМПАЗЛАРЫ АНЫҚЛАНДЫ

5-декабрь күни Нөкис қаласы ҳәкимлиги, Мәхелле ҳәм шаӊарақты қоллап-қуўатлаў бөлими тәрепинен Бердақ атындағы Қарақалпақ мәмлекетлик университетинде Өзбекстан Республикасы Конституциясының қабыл етилгенине 28-жыллығы байрамы мүнәсибети менен спорттың волейбол түринен 30 жастан жоқары болган ҳаял-қызлар арасында Нөкис қаласы бириншилиги өткерилди.
Жарысда қаладағы мәкеме, кәрхана ҳǝм шөлкемлериниң хызметкерлери, оқыў орынларының оқытыўшы ҳаял-қызларынан ибарат жәми 8 команда қатнасты ҳәм жеңимпазлар анықланды.
Жарыс жуўмағында Нөкис қаласы Ишки ислер басқармасыниң командасы биринши, Бердақ атындағы Қарақалпақ мәмлекетлик университетиниң командасы екинши, қала ҳәкимлигиниң командасы үшинши орынды ийеледи.
Жарыс жеңимпазлары шөлкемлестириўшилер тәрепинен таярланған диплом ҳәм қымбат баҳалы саўғалар менен сыйлықланды.