Қазақстан тарихы алғы сөзі
ҚҰРМЕТТІ ТАЛАПКЕРЛЕР!
Республикалық «istudy.kz» білім порталы ұсынған бұл тарих кітабы ҰБТ-ға дайындалушыға таптырмас құрал. Кітаптың ішінде 100 нұсқаның тест сұрақтары жауаптарымен, 2000 сұрақтан тұратын ҰБТ-да ең көп кездесетін сұрақтар жаттауға ыңғайлы етіп берілген. Сонымен қатар, бонус ретінде, қазіргі таңда, тарихтан келіп жүрген көптеген мәтін сұрақтар енгізілген. Кітап арқылы сіз өз біліміңізді шыңдап, аз уақыттың ішінде жоғары балл жинай аласыз. Бұлай деуіміздің себебі, кітапшадағы сұрақтар арқылы сіз ҰБТ-да келетін сұрақтардың стильдік ерекшелігін, сұрақтардың құрылымын, сұрақтардың сұралу ерекшелігін үйрене аласыз.
Алмазды жасау үшін, көмірді мыңдаған градус температурада қыздыру керек. Сол секілді адам да өзін мықты тұлға етіп дамыту үшін, тоқтамай білім алып, білетінім біреу білмейтінім 99 деп күн сайын өзін қамшылауы керек. Қолдарыңызға ұстап отырған кітапты білікті мамандар құрастырып, өзіңізге ұсынып отыр.
Өмір деген жол, сол жолдың әр қадамы біз үшін жеңіс. Алда келе жатқан ҰБТ-дан жоғары балл жинап, армандаған мамандығыңызға түсуге тілектеспіз.
©iSTUDY.KZ – Сенің білімің, сенің болашағың!
110% НӘТИЖЕ КӨРСЕТУ ҮШІН
міндетті түрде оқыңыз
Қазақстан тарихы пәнінен ҰБТ-ға дайындалу үшін жаттау қабілетті шыңдау керек. Себебі жаттау қабілеті маңызды рөл ойнайды. Жаттау қабілетіне кері әсер ететін себептер бар. Олар мыналар: Отбасындағы мәселелер (проблемалар), жеке басыңыздың қыз немесе жігіт мәселесі, көп ойыңыздың әлеуметтік желілерге (vk, instagram, WhatsApp) бөлінуі, мағынасыз музыка тыңдау, ойыңызға қатты әсер ететін фильмдер тамашалау, неше балл жинайды екенмін деген қорқынышты ой және ең жаманы қажетсіз мағлұматтарға миыңызды толтыру (көшедегі жазуларды жаттап алу, көліктердің нөмірлеріне көп мән беру, әлеуметтік желілерде жазылған қоқыстардың бәрін оқи беру, ешқандай пайдасы болмаған өсектер жинау).
Кейбір адамдардың «Ми көп жұмыс істегеннен шаршайды» деген ұстанымы мүлдем қате. Ми көп жұмыс істегеннен емес, дұрыс жұмыс істемегеннен шаршайды. Керісінше, ми жұмыс істеген сайын дамып, жетіледі. Еңбек ету миды мешеу қылмайды, керісінше ойсыздық, бейқамдық, ғапылдық, жұмыс істемеу, миды сорлатпақ.
Қолданылмаса кез-келген нәрсенің тотығып, шіритіні сынды есте сақтау қабілеті де дұрыс қолданылмаса істен шығады. Кітап оқуды әдетке айналдырыңыз. Ол сіздің ойлау қабілетіңізді дамытады. ҰБТ пәндеріне жүйемен, ретпен дайындалыңыз. Солай істесеңіз, оқығандарыңыз қажет болғанда, ақылыңызға еріксіз келеді. Бір нәрсе жаттағаннан кейін ән тыңдауға немесе видео көруге асықпаңыз. Ол сіздің жаттағандарыңызды жоқ етеді. Лимонды 200 гр суға сығып, соны ішіңіз. Ол сізді сергек етеді.
Төменде 100 нұсқа тест берілген. Егер сіз орныңыздан қозғалмай 7-8 сағат осы кітаппен отыратын болсаңыз, небәрі 4-5 күнде 18-20 балл жинайтын боласыз. Қолыңызға таза бір қағаз алыңыз, бірден жиырмаға дейін сандарды жазыңыз, 1-нұсқаны ашып, не білесіз соны тез белгілеп шығыңыз. Жауаптарымен салыстырып, неше балл жинағаныңызды астына жазып қойыңыз. Енді барлық сұрақты оқып, жауаптарын есіңізде сақтауға тырысыңыз. Мысалы: 1. Ерте палеолиттің мустье кезеңі: б.з.б. 140-40 мың жыл. Ойыңыз басқа жаққа бөлінбеуі үшін тез орындаңыз. Уайымдамаңыз, барлығы да сіздің есіңізде қалады. Оған 3-нұсқаны істеген соң көзіңіз жетеді. Енді 2-нұсқаны дәл осылай орындаңыз. Неше балл жинағаныңызды жазыңыз, жауаптарына қарап отырып, әр сұрақтың жауабын есте сақтауға тырысыңыз. 3- нұсқаны да дәл осылай орындағаннан кейін, 1-нұсқадағы жаттағандарыңызды көзбен жүгіртіп шығыңыз. 20-ы да есіңізде ме екен?! Кітапқа түрлі түсті қаламдармен белгілемеңіз, егер белгіленген тест жаттайтын болсаңыз сіздің есіңізде нұсқада жазылған мәліметтен гөрі бояудың түсі сақталып қалады.
Сізге сәттілік тілейміз! Ізгі ниетпен, iSTUDY.KZ
