“EVERY COUNTRY HAS ITS CULTURE” MAVZUSIDA OCHIQ DARS MASHG‘ULOTI TASHKIL ETILDI

📆 Joriy yilning 24-yanvar kuni Navoiy yuridik texnikumida ingliz tili fani o‘qituvchisi Feruza Atamuradova tomonidan 9/4-guruh o‘quvchilari ishtirokida “Every country has its culture” (“Har bir mamlakatning o‘z madaniyati bor”) mavzusida ochiq dars mashg‘uloti tashkil etildi.

📝 Dars interfaol metodlar asosida olib borildi. Mashg‘ulot davomida o‘quvchilar turli mamlakatlarning milliy urf-odatlari, an’analari, kiyim-kechaklari, bayramlari va kundalik turmush tarzi haqida ingliz tilida ma’lumotlar berishdi. Guruh ishlari, savol-javoblar, taqdimotlar hamda bahs-munozaralar orqali o‘quvchilarning mustaqil fikrlash qobiliyatlari rivojlantirildi.

📚 Feruza Atamuradova tomonidan dars jarayoni puxta rejalashtirilgan bo‘lib, zamonaviy pedagogik texnologiyalar va ko‘rgazmali vositalardan samarali foydalanildi. O‘quvchilarning darsdagi faolligi, ijodkorligi va nutq madaniyati ochiq darsning yuqori saviyada o‘tganini ko‘rsatdi.

⚡️ Ochiq dars yakunida faol ishtirok etgan o‘quvchilar rag‘batlantirildi va dars yuzasidan ijobiy xulosalar bildirildi. Ushbu mashg‘ulot nafaqat bilim berish, balki madaniyatlararo muloqotni rivojlantirishga xizmat qiluvchi samarali pedagogik jarayon sifatida baholandi.