26 ЁШЛИ ОТА ЎЗ БОЛАСИНИ СУВГА УЛОҚТИРДИ
БУНГА ШУБҲА САБАБ БЎЛГАНМИ ЁКИ?
Бу борада онанинг ҳам ўз ҳақиқатлари бор. Ачинарлиси эса болакай ҳали бир ёшга ҳам тўлмаганди...
Наманганда алимент тўлашни хоҳламаган ота ҳали бир ёшга ҳам тўлмаган ўз фарзандини каналга улоқтирди. Энг ҳайратланарлиси, каналга улоқтирилган бола 26 ёшли отанинг ягона фарзанди бўлган...
Ота 2017 йил 1 октябрда қонуний никоҳдан ўтиб яшаган. 2018 йил 4 июлда туғилган фарзанди ўзига ўхшамаслигидан шубҳа қилиб, рафиқаси билан жанжаллашади. Доимий кам ситиб келингани оқибатида рафиқаси 2019 йил 24 февралда ўғлини олиб, қизлик уйига кетиб қолади.
“РАФИҚАМ МЕНИ АЛДАГАН”
Судда айбига тўлиқ иқрорлик билдирган судланувчи ҳолатни қуйидагича изоҳлаган:
— Рафиқам менга ёлғон гапириб, оилавий танишини “қариндошим” деган. Унинг машинасида юрганини кўриб қолиб жанжаллашдим. У бўлса, ўғлини олиб 24 февралда отасиникига кетиб қолди. Ажрашиш мақсадим бўлмаган.
ОНАНИНГ ҲАМ ЎЗ ҲАҚИҚАТЛАРИ БОР
Танганинг иккинчи томонига назар солсак, онанинг ҳам ўз ҳақиқатлари бор:
2018 йил декабрда маҳалла фаоллари ва нуронийлари аралашуви сабаб, биринчи гал эримникига қайтдим. Бироқ эрим яна камситиб, бўлар-бўлмас баҳоналар билан жанжаллашаверди. Ўшанда онамникига кетганча, ҳатто 2019 йил апрелда қайнотам уйга қайтишни так-лиф қилганда ҳам рози бўлмадим.
ФАРЗАНДИ ЎЗИНИКИ ЭМАСЛИГИГА ШУБҲАСИ БЎЛГАН, АММО...
24 апрелдаги фуқаролик ишлари бўйича Наманган туманлараро судининг ҳал қилув қарорига асосан аёлнинг даъвоси қаноатлантирилиб, отадан она фойдасига фарзанди 3 ёшга тўлгунга қадар топган даромадининг 70 фоизи миқдорида алимент тўлаши белгиланган. Ота эса бундан норози бўлган. Энг қизиғи, фарзанди ўзиники эмаслигига шубҳаси бўлсада, у билан кўришиб туриши учун фуқаролик судига мурожаат қилган.
Ўғлимни кўриш учун борганимда хотиним тўсқинлик қилгани сабаб, фуқаролик судига ариза бердим. Ҳар ҳафтанинг шанба ва якшанба кунлари онанинг иштирокида соат 10:00дан 12:00 гача фарзандим билан кўришиш учун ҳал қилув қарори чиқарилди. 2018 йилнинг декабрь ва 2019 йилнинг апрелида боламни олиб кетиб яширганман. Бир марта про филактика инспектори, иккинчи марта хотинимнинг бобоси келиб, фарзандимни олиб кетган. 8 июнь тонгида ҳам болани кўриш мақсадида хотиним яшаётган уйга бордим.
Айланиб келайлик, дея таклиф киритдим.
Кир ювмоқчиман, — деб рози бўлмади.
Нонушта қилмаган- дим, бир пиёла иссиқ чой олиб чиқ, — дея ўғлимни олиб кетиш мақсадида ёлғон гапирдим.
Аёл уйга кириб, чой би лан чиққанида эри болани олиб кетганини билган. Кейин қайнотасига қўнғироқ қилади. Қайнотаси “ўз боласини ўлдириб қўймас” деганидан сўнг, аёл дарҳол МФЙ профилактика инспекторига хабар беради.
"СУЗИШНИ БИЛМАГАНИМ УЧУН СУВГА ТУШМАДИМ»
Болани Шимолий Фарғона каналидаги кўприк томонга олиб кетдим. Ҳаётимдаги кечинмаларни ўйлаб, хотинимдан жаҳлим чиқди. Қандай қилиб ўғлимни сувга ташлаб юборганимни билмай қолдим. Унинг сувга чўкиб кетганини кўрдим. Бироқ сузишни билмаганим учун орқасидан сувга туш мадим. Қўлимда бош кийими қолганини кўриб, темир йўл бўйлаб юрганимда ташлаб юбордим, — дейди ота.
ХАБАРНИ ИИБ ХОДИМЛАРИ ЕТКАЗГАН
Эрининг бундай тубанликка боришига иккиланган аёл ўғлини қидириш учун чиқиб кетмоқчи бўлганида, ИИБ ходимлари келиб эри фарзандини Шимолий Фарғона каналига ташлаб юборганини хабар қилишади.
Суд қарори билан ундан ундирилиши лозим бўлган алимент пулини тўлашдан қутулиш мақсадида ҳали бир ёшга тўлмаган фарзандини Шимолий Фарғона каналига ташлаб ўлдирган ота қилмишидан чин кўнгилдан пушаймонлигини билдирди.
Акромжон АРИПОВ, Ўзбекистон Республикаси Олий суди катта консультанти:
— Жиноят ишлари бўйича Наманган вилоят суди судьяси Санобар Мамадалиева томонидан судланувчига ЖКнинг 97-моддаси 2-қисмида “в, и” бандлари билан 18 йил озодликдан маҳрум қилиш жазоси тайинланди.
Яқинда Наманганда бир аёл икки гўдакнинг жонига қасд қилганди. Энди эса бу воқеа... Эр-хотин орасидаги зиддиятлар қурбони фарзанд бўлиши керак эмас. Маҳалла фаоллари, атрофдагилар Ватан ичидаги Ватан бўлган бир оилани жарликка етаклайдиган муаммоларига бефарқ бўлмаса, ўз вақтида уларга тўғри йўл кўрсатса, шундай нохуш ҳолатларнинг олди олинган бўлармиди?..