СУД ВА ЁШЛАР ЖИНОЯТЧИЛИККА ҚАРШИ КУРАШАДИЛАР

  Жиноят ишлари бўйича Андижон вилоят судининг ташаббуси билан Андижон давлат тиббиёт институтида "Ўзбекистонда суд ва ёшлар жиноятчиликка қарши курашадилар!" мавзусида акция тадбири бўлиб ўтди.

Тадбирда Андижон давлат тиббиёт институти проректори А.Асханов, Ўзбекистон Республикаси Президенти Админстрацияси хузуридаги Ахборот ва оммавий коммуникациялар агентлиги Андижон вилояти раҳбари А.Султонов, “Адолат” СДП Андижон вилояти кенгаши раиси ўринбосари М.Мусаева, жиноят ишлари бўйича Андижон вилоят суди судья катта ёрдамчиси М.Маматбаева, 35-ихтисослаштирилган мактаб ўқувчилари, ассистент Н.Зокирова, ўкитувчилар жамоаси,талабалар ва оммавий ахборот воситалари вакиллари иштирок этишди.

Тадбирда Андижон Давлат тиббиёт институти проректори А.Асханов, Ўзбекистон Республикаси Президенти хузуридаги ахборот ва оммавий коммуникация агентлиги Андижон вилояти раҳбари А.Султонов, жиноят ишлари бўйича Андижон вилоят суди судья катта ёрдамчиси М.Маматбаева сўзга чиқиб талабаларга жиноят йўлига кирмаслик, жиноятлар ва унинг оқибатлари тўғрисида профилактик тушунтириш бердилар.

Андижон шахридаги 35-ихтисослаштирилган мактаб ўқувчилари томонидан қонунлар ўзбек ва рус тилларида шарҳланганлиги тадбирга ўзгача мазмун бағишлади.

Андижон Давлат тиббиёт институти билан жиноят ишлари бўйича Андижон вилоят суди ўртасида келгусида жиноятчиликни олдини олиш бўйича доимий ҳамкорлик бўйича келишиб олинди.

Жиноят ишлари бўйича Андижон вилояти суди