Psixologiya ta'limi bo'yicha OTMlar reytingi

Quyidagi 8 ta mezonlar asosida, mamlakatimizda psixologiya fani taʼlimi, eng kuchli bo‘lgan oliygohlar reytingini tuzishga harakat qildim. Ushbu mezonlar psixologiya fanini o‘qitishdagi reytingni chiqarishda muhim ahamiyatga ega va ular orqali psixologiya bo‘yicha taʼlim sifatini obyektiv ravishda baholash mumkin.

Reyting ishlab chiqish mezonlari

1. Akademik dasturlar va o‘quv rejasi:

• Psixologiya yo‘nalishidagi dasturlar va ularning turli xil mutaxassisliklarga bo‘linishi.
• O‘quv rejasi va dasturlarning zamonaviyligi, ilg‘or tadqiqotlar va amaliyotlar bilan mos kelishi.

2. Ilmiy-tadqiqot faoliyati:

• Psixologiya yo‘nalishida nashr etilgan ilmiy maqolalar soni va sifati.
• Tadqiqot grantlari va loyihalar soni.
• Ilmiy natijalarining iqtibos olinishi va xalqaro miqyosdagi taʼsiri.

3. Fakultet va professorlar tarkibi:

• Psixologiya bo‘yicha o‘qituvchi va professorlarning ilmiy darajasi va tajribasi.
• Ilmiy maqolalar, kitoblar va boshqa ilmiy ishlanmalar mualliflari bo‘lishi.

4. Amaliyot va tajriba:

• Psixologik amaliyot o‘tkazish imkoniyatlari, masalan, klinikalar, maslahat markazlari, laboratoriyalar.
• Talabalarning amaliyot o‘tkazish va real hayotda bilimlarini qo‘llash imkoniyatlari.

5. Xalqaro aloqalar va hamkorlik:

• Psixologiya bo‘yicha xalqaro talaba va professor almashinuvi dasturlari.
• Xalqaro ilmiy konferensiyalarda ishtirok va hamkorlik.

6. Bitiruvchilarning mehnat bozoridagi muvaffaqiyati:

• Psixologiya bo‘yicha bitiruvchilarning ish bilan taʼminlanish ko‘rsatkichlari.
• Ish beruvchilarning psixologiya bitiruvchilariga nisbatan fikrlari.

7. Resurslar va infratuzilma:

• Psixologiya laboratoriyalari, kutubxona resurslari, test materiallari va boshqa qo‘llab-quvvatlovchi resurslar.
• Zamonaviy o‘qitish texnologiyalari va vositalarining mavjudligi.

8. Talabalar qo‘llab-quvvatlovi va rivojlanishi:

• Talabalarga psixologik maslahatchilik va yordam xizmatlari.
• Talabalar uchun akademik maslahatchilar va karyera xizmatlari.

Demak,

1-o‘rin: O‘zbekiston milliy universiteti

2-o‘rin: Samarqand davlat universiteti

3-o‘rin: Qoraqalpoq davlat universiteti

4-o‘rin: Toshkent davlat pedagogika universiteti

5-o‘rin: Farg‘ona davlat universiteti

6-o‘rin: Namangan davlat universiteti

7-o‘rin: O‘zbekiston jurnalistika va ommaviy kommunikatsiyalar universiteti

8-o‘rin: Jamoat xavfsizligi universiteti

Qolgan universitetlardagi shart-sharoitlar meni unchalik qoniqtirmadi. Shuning uchun reytingni 8 talikda tamomladim.

Bundan tashqari Nodavlat (xususiy) OTMlar ham ushbu ro‘yxatga kirishi mumkin edi. Lekin hozirda nodavlat OTMlar mehnat bozoriga kadr chiqarib ulgurmadi. Shuning uchun ham ularni reytingda ko‘rsatishni lozim topmadim.

P.S. Yuqoridagi reyting mening shaxsiy izlanishim asosida ishlab chiqildi. Reytingdan norozi bo‘lganlar, ushbu reyting hech narsani anglatmaydi. Qayerda taʼlim olishingizdan qat'i nazar, asosiy gap sizning olgan va o‘rgangan bilimingizda.

®️ Psixologiya

Bizni ushbu kanal @Psixodiagnostika orqali kuzatib boring...