Вақтингизни беҳуда сарфламанг, ҳар бир манбаадан самарали фойдаланинг!
Замонавий авлод вакиллари деярли барчаси смарт технологиялардан фойдаланишни озми кўпми билишади. Смартфон, смартсоат, фитнес браслет ва бошқа турли туман гаджетлардан фойдаланишади. Бутун жаҳонни бирлаштириб турган Интернет тармоғидан ҳам хабарлари бор.
Фақат интернет тармоғи имкониятидан тўғри фойдаланилябтими?
Интернет фақат ижтимоий тармоқлар, медиа сайтлар ва иловалардан иборат эмас.
Интернет катта имкониятлар макони. Интернет асосан танилиш ва оммабоп ижтимоий тармоқларда “фолловер” ва “фан” ларни йиғиш учун керак деб ҳисоблаш - бу глобал тармоқнинг кучи ва имконияти тўлиқ англаб етмасликдир.
Мана бир оддий мисол: кўпчиликка маълум давлат идораларида хизматлардан фойдаланиш учун СТИР (ИНН) аниқлаш керак бўлади.
Шунда кўпчилик нима қилади? Қўйида жавоблар вариантини келтирамиз:
а) СТИР қандай аниқлаш ҳақида СТИР сўралган жойдан сўриштиради
б) Бирор танишига телефон қилиб, “ахборот” олади
в) Интернет орқали “поиск” беради
Сиз қайси жавобни танлаган бўлардингиз?
Пандемия бизга кўп қийинчиликлар ва синовлар олиб келиши билан бирга айнан онлайн хизматлар ва глобал тармоқнинг аҳамиятини ижобий тарафларини очиб берди.
Тадбиркорлар ҳам фаолиятларида янги хизматлар ва услубларни синаб кўриш, янгича ёндашувни жорий этишларига тўғри келди.
Хўш, СТИР аниқлашга келсак... Бу хизматдан жуда содда ва қулай тарзда онлайн фойдаланиш мумкин. Интернет тармоғига уланиш имконингиз бўлса, my.gov.uz ёки my.soliq.uz сайтлари орқали СТИР аниқлаш хизматидан фойдаланишингиз мумкин. Шунчаки папорт маълумотларни киритасиз ва СТИР рақамингизни аниқлайсиз! Бу осон.
Агар айнан қайси сайтдан фойдаланиш эсингиздан чиқиб қолса, ҳеч қиси йўқ, браузер иловаларининг қидирув имкониятидан фойдаланиб тўғри жавобни топишингиз мумкин.
Қидирув имконияти орқали нафақат СТИРни қандай аниқлаш усулини, балки ўзингизни қизиқтирган кўплаб турфа мавзуларда ахборот олиш мумкин.
Ўзингизга керакли хизмат ёки махсулот ҳақида маълумот олиш учун интернет тармоғи айни қулай восита.
Ҳудди шундай тарзда бошқа кўплаб турдаги давлат хизматлари ҳақида ахборот олишингиз мумкин. Қандай ҳужжат керак, ундириладиган тўловлар, муддатлар ва ваколатли органлар тўғрисида батафсил маълумотни ўқиб, “қуролланиб” олиш зарар қилмайди.
Эслатиб ўтамиз, давлат хизматлари маркази орқали кўрсатиладиган хизматлар ҳақида davxizmat.uz сайти орқали ҳам керакли информацияларни олишингиз мумкин.
Вақтингиз ва нақдингизни тежанг, давлат хизматларидан онлайн фойдаланинг!