Шўртан газ кимё мажмуасида режа асосида қисқа муддатли жорий таъмирлаш ишлари амалга оширилмоқда
Шўртан газ кимё мажмуасида ишлаб чиқариш жараёнларини барқарорлигини таъминлаш, технологик қурилмаларнинг эксплуатация жараёнларидаги шайлигини ошириш мақсадида режа асосида қисқа муддатли жорий таъмирлаш ишлари бошлаб юборилди.
Мажмуада олиб борилаётган жорий таъмирлаш ишлари жараёнида ишлаб чиқариш технологик ҳудудларидаги иссиқлик алмашиниш қурилмалари, қуритгичлар ва шу каби бир қатор қурилмаларда таъмирлаш тозалаш ва техник кўрик ишлари олиб борилмоқда.
Режали жорий таъмирлаш ишларига мажмуа ишчи-ходимлари билан бир қаторда газ қутқарув хизмати ходимлари ҳам жалб этилган бўлиб, ҳозирда таъмирлаш жараёни жадал суръатлар билан давом этмоқда.
Таъкидлаб ўтиш жоизки, режали жорий таъмирлаш ишлари ишлаб чиқариш жараёнларида келгусида вужудга келиши мумкин бўлган кутилмаган узилишларнинг олдини олиш ҳамда технологик қурилма ва ускуналарнинг узоқ муддат сифатли ва самарали ишлашини таъминлаш учун хизмат қилади.