March 16
"Шўртан газ кимё мажмуаси" МЧЖда "Обод ва файзли маҳалла - юрт кўрки" шиори остида хайрия ҳашари уюшқоқлик билан ўтказилмоқда
Наврўз умумхалқ байрамини муносиб нишонлаш ҳамда маҳаллалар, аҳоли турар жойларини ободонлаштириш ва кўкаламзорлаштириш мақсадида «Обод ва файзли маҳалла — юрт кўрки» шиори остида мамлакатимиз бўйлаб ҳашарлар ўтказилмоқда.
Бугун эрта тонгдан "Шўртан газ кимё мажмуаси" МЧЖ ишчи-ходимлари иштирокида ҳам ана шу хайрли ташаббусни қўллаб-қувватлаш мақсадида, ҳашар ташкил этилди.
Ҳашар давомида мажмуа ҳудуди ва унга қарашли барча объектларда гул ва дарахт кўчатлари экиш, дарахт ва буталарга шакл бериш, қудуқлар ва ариқлар ичини тозалаш, йўл чети тўсиқларини (бардёрлар) оқлаш, қурилмалар ҳудуди ва атрофини тозалаш ишлари амалга оширилмоқда.
