"Энг илғор саноат ходими-2023"
Ўзбекистон Республикасининг 2020 йил 23 ноябрдаги ЎРҚ-648-сон қарорига мувофиқ, Ўзбекистон Республикасида 11 ноябрь - "Ўзбекистон касаба уюшмалари куни" этиб белгилан.
Шу муносабат билан 11 ноябрь - "Ўзбекистон касаба уюшмалари куни" олди Ўзбекистон касаба уюшмалари Федерациясининг Қашқадарё вилояти Кенгаши томонидан ташкил қилинган тадбирда вилоятдаги муассасалар, корхона ва ташкилотлардан ишчи-ходимлар, фахрийлар, ёш мутахассислар ва касаба уюшмаларидан бир гуруҳ фаоллар таклиф этилди.
Тадбирда дастлаб меҳнат қонунчилиги такомиллашаётгани, мамлакатимизда давлат касаба уюшмалари ва иш берувчилари ўртасида йўлга қўйилган самарали шерикчилик ва унинг натижалари хусусида сўз борди.
Тадбирнинг иккинчи қисмида Ўзбекистон касаба уюшмалари Федерациясининг Қашқадарё вилояти Кенгаши томонидан йилнинг энг яхшилари, энг фаоллари ва энг илғорларини тақдирлаш маросими бўлиб ўтди. Шунингдек, соҳада кўп йиллардан бери меҳнат қилиб келаётган бир гуруҳ ходимлар рағбатлантирилди.
Қувонарли томони шундаки, "Шўртан ГКМ" МЧЖ Бош директорининг маҳаллийлаштириш, саноатда кооперация алоқаларини кенгайтириш масалалари бўйича биринчи ўринбосари Эшмуродов Шокир Мусурмонович "Энг илғор саноат ходими-2023" номинацияси билан тақдирланди.
Ш. Эшмуродов 1966 йилда Қашқадарё вилояти, Ғузор туманида таваллуд топган. Шўртан газ кимё мажмуасидаги меҳнат фаолиятини 1998 йилда мажмуа қурилиши бўйича шартномани назорат қилиш гуруҳи, қурилиш майдони етакчи муҳандиси вазифасидан бошлаган. Фаолияти давомида кўпгина масъулиятли лавозимларда меҳнат қилиб, бугунги кунда "Шўртан ГКМ" МЧЖ Бош директорнинг маҳаллийлаштириш, саноатда кооперация алоқаларини кенгайтириш масалалари бўйича биринчи ўринбосари лавозимида фаолият юритмоқда. Шокир Мусурмонович узоқ йиллик самарали меҳнат фаолияти давомида меҳнатсеварлиги ва камтарлиги билан жамоа орасида ҳурмат қозонган инсон, етук муҳандис, кўплаб шогирдлар етиштирган устоздир.
Ушбу ютуқ билан мажмуа маъмурияти ва кўп минг сонли ишчи-ходимлар номидан Шокир Мусурмоновични табриклаймиз ва келгуси фаолиятларида улкан зафарлар тилаб қоламиз!