ШГКМда Оила ва хотин-қизлар масалалари бўйича бошланғич ташкилоти ўз фаолиятини бошлади
Ўзбекистон Республикаси Президентининг 01.03.2022 йилдаги ПФ-81-сон қарорига мувофиқ Оила ва хотин-қизлар давлат қўмитаси ташкил этилган эди. Ушбу тузилманинг ташкилотлардаги ҳудудий бўлимлари фаолиятини ташкил этиш тўғрисидаги кўрсатмаларга асосан, куни кеча "Шўртан газ кимё мажмуаси" МЧЖда ҳам Оила ва хотин-қизлар давлат қўмитасининг ШГКМдаги бошланғич ташкилоти раҳбарияти ва унинг ишчи комиссияси ҳамда мажмуа хотин-қизларининг дастлабки учрашуви ташкил этилди.
Учрашувда хотин-қизларнинг ҳуқуқ ва қонуний манфаатларини ҳимоя қилиш, уларнинг мамлакат ижтимоий-сиёсий ҳаётидаги ўрни ва фаоллигини ошириш, гендер тенглик кафолатларини таъминлаш, мажмуада илмий фаолият билан шуғулланмоқчи бўлган хотин-қизларни қўллаб қувватлаш;
Мажмуа хотин-қизларнинг муаммоларини ўз вақтида аниқлаш, оғир ижтимоий оғир аҳволга тушиб қолган хотин-қизларга ижтимоий-ҳуқуқий, психологик ёрдам кўрсатишнинг янгича усулларини жорий этиш;
Ҳамда Хотин-қизлар ўртасида соғлом турмуш тарзини шакллантириш, оиладаги ва мажмуадаги маънавий-ахлоқий қадриятларни мустаҳкамлаш бўйича манзилли чора-тадбирларни амалга оширишга келишиб олинди.
Ушбу келишувга мувофиқ, Август ойини "Биз қуёш кабимиз! Чарчамаймиз, кечикмаймиз, мажмуага зиё тарқатамиз" шиори остидаги китобхонлик ойлиги дея эълон қилинди.