“Қувноқлар ва зукколар” кўрик-танловининг 2022 йил Олий лигаси чорак финалида иштирок этадиган жамоалар номи аниқ бўлди
Шўртан газ кимё мажмуасида меҳнат қилиб келаётган ёшларни ҳар томонлама қўллаб-қувватлаш улардаги бор имкониятлардан фойдаланишга ва ўз иқтидорларини янада намоён этишига барча имкониятлар яратиб берилмоқда.
Жумладан, "Қувноқлар ва зукколар" кўрик-танлови бўйича мажмуа ёшларидан "UzClear" жамоаси ташкил топган бўлиб, ушбу жамоа Сурхондарё вилоятининг Термиз шаҳрида 8 сентябрь куни Ўзбекистон Қувноқлар ва зукколар ассоциацияси томонидан ташкил этилган “Қувноқлар ва зукколар” кўрик-танлови ОЛИЙ ЛИГAСИ 2022-йилги мавсумининг саралаш босқичига иштирок этишди.
Куни кеча, Ўзбекистон бўйлаб 130 дан ортиқ жамоалар иштирок этган Саралаш фестиваллининг якуний натижалари эълон қилинди. Унга кўра, бу йилги Қувноқлар ва зукколар беллашувларининг 2022 йил Олий лигаси чорак финалида 30 та жамоа иштирок этиши маълум бўлди.
Қувонарлиси, Шўртан газ кимё мажмуасининг "UzClear" жамоаси, кучли 30 таликда 8 ўринни эгаллаб, 2022 йил Олий лигаси чорак финалида иштирок этиш йўлланмасини қўлга киритди.