"ШГКМ Медсервис" соғломлаштириш маркази
"Шўртан газ кимё мажмуаси" МЧЖ тасарруфидаги "ШГКМ Медсервис" соғломлаштириш маркази Шаҳрисабз шаҳридан 30 км. масофада, Ҳисор тоғ тизмалари ён бағрида, "Ҳисорак" сув омбори атрофида, икки дарё - "Оқ дарё" ва "Қора дарё" орасида жойлашган.
Даволаш омили сифатида дарёлар оралиғидан ҳар-хил гиёҳлар исини ўзи билан олиб келадиган мусаффо тоғ ҳавоси дам олувчилар ҳордиғи учун айни муддаодир.
11800 метр масофадан олиб келинган тоғ шифобахш булоқ суви ошқозон-ичак касалликларини соғломлаштиришда ёрдам беради.
Меҳмонхона типида қурилган ётоқхоналар шинам, замонавий, барча қулайликларга (455 каналли телевизор, музлатгич, WI-FI интернет, кондиционер ва бошқалар) эга 34 та икки ўринлик хоналардан иборат.
"ШГКМ Медсервис" ҳудудида 100 ўринли ресторан, ёзги дам олиш майдони, 20 ўринли автотураргоҳ ва спорт майдончалари мавжуд.
Соғ танда-соғлом ақл деган нақл бежизга айтилмаганидек, дам олувчилар соғликларини тиклаш учун марказда замонавий типдаги ёпиқ бассейн ва замонавий, ҳар хил турдаги спорт ускуналари билан жихозланган фитнес заллари мавжуд.
Ушбу марказда қишки боғ ҳам мавжуд бўлиб унда дунёнинг турли мамлакатларидан келтирилган ноёб, даволовчи ўсимликлар ва дарахтлар экилган. Қишки боғ деб аталиши-бу ерда қишда ҳам, ёзда ҳам даволовчи ўсимликлар гуллаб, баҳорий кайфият бериб туради.
Мисол учун боғда мавжуд могнолия ўсимлигини айтсак, бу ўсимликни олдида ўтириб ундан чиққан ифордан нафас олинса, ўсма касаллигини профилактикасида, мия фаолиятини яхшилашда, асаб тизимини тинчлантиришда, қандли диабет профилактикасида, аллергияни даволашда, жигар фаолияти ва уни яхшилашда катта фойда беради.
"ШГКМ Медсервис" соғломлаштириш маркази ташхис бўлимида юқори малакали мутахассислар томонидан
- Contec Medical System компанияси кардиографи орқали электрокарди-ограмма (ЭКГ) текшируви;
- SonoScape S22 4+датчикли рангли Доплер аппарати ёрдамида ультра-товушли (УЗИ) текширув;
- Умумий пешоб таҳлили;
- Умумий ва биокимёвий қон таҳлиллари амалга оширилади.
Даволаш бўлимида барча қулайликлар мавжуд бўлган қуйидаги муолажалар амалга оширилади.
- Паст частотали импульс терапия;
- Комплекс физиотерапия (электротерапия, ультратовушли, лазерли ва магнитли);
- Тананинг бош қисми учун Дарсонваль терапияси;
- Ceragem Master V3 интеллектуал аппарати орқали умуртқа поғонасини сканерлаш ёрдамида биологик актив нуқталарга эффектив таъсир этиш терапияси;
- Организмни шлаклардан тозаловчи фитобочка;
- Сув муолажалари (Сув остида умуртқани автоматик тортиш, циркульярный душ, жемчужная ванна)
- Ичак ювиш мосламаси (Гидроколонотерапия)
- Простата безини массаж қилиш мосламаси
- Ингалятор
- Озонотерапия;
- Уқалаш муолажалари;
- Парафин;
- Фитобар;
Шунингдек, дам олувчилар вақтини мароқли ва мазмунли ўтказишлари учун Шаҳрисабз, Китоб, Яккабоғ туманларида жойлашган муқаддас зиёратгоҳларга, "Ҳисорак" сув омбори, Ҳисор тоғ тизмалари бағрига, Ғилон, Сув тушар, Кўл қишлоқларига эко саёҳатлар уюштирилади.
Дам олувчилар ўртасида футбол, волейбол, баскетбол мусобақалари ўтказиш учун спорт майдончалари мавжуд.
Мехмонлар "Лочин" болалар дам олиш оромгоҳи фаолияти билан танишиш, у ерда қурилган дунёнинг тарихий обидаларидан баҳраманд бўлишлари мумкин.
Ёзги таътил вақтида келган дам олувчиларнинг ўзлари соғломлаштириш марказида, фарзандларини эса йўлланма асосида "Лочин" болалар дам олиш оромгоҳида дам олдиришлари ҳам мумкин.
Бир сўз билан айтганда ушбу ерда мароқли ҳордиқ чиқариш истагида бўлганлар учун барча шароитлар яратилган.
Манзил: Қашқадарё вилояти, Шахрисабз тумани, Мираки М.Ф.Й.
Мурожаат учун телефон: +99875-523-36-06; +99890-428-80-88