"Шўртан ГКМ" МЧЖда Онлайн шахмат чемпионати ғолиблари тақдирландилар
Мамлакатимизда шахматни аҳоли ўртасида кенг тарғиб қилиш ва уни оммавий спорт турига айлантириш, ўсиб келаётган ёш авлоднинг интеллектуал ва маданий ривожланиши учун зарур шарт-шароитлар яратиш, юқори иқтидорга эга бўлган ёшларни танлаш, саралаб олиш ва уларни профессионал шахматчилар ва халқаро гроссмейстерлар сифатида тайёрлаш тизимини йўлга қўйиш борасида кенг кўламли ишлар амалга оширилмоқда ва бу борада катта ютуқларга эришилмоқда.
Хусусан, ишчи-ходимлар ўртасида соғлом турмуш тарзини ва спортнинг шахмат турини кенг тарғиб қилиш ҳамда уни оммавийлаштириш мақсадида "Шўртан газ кимё мажмуаси" МЧЖда ҳам ҳар йили анъанавий тарзда онлайн шахмат чемпионати ўтказилиб келинмоқда.
Чемпионатнинг 2023 йилги мавсуми ҳам ҳар галгидек қизиқарли ва муросасиз ўйинларга бой ўтди. Мажмуанинг цех, бўлим, хизмат ва тармоқларида меҳнат фаолиятини олиб бораётган 24 нафар ишчи-ходимлар йил давомида шахматнинг «Блитз» йўналиши бўйича онлайн тарзда 23 та тур доирасида ўзаро беллашдилар.
Қуйида якунланган онлайн "Тезкор шахмат чемпионати-2023" мусобақасининг ғолиб ва совриндорлари билан танишишингиз мумкин:
1-ўрин - Қодиров Санжар Ҳайдарович - Назорат ўлчов асбоблари ва автоматлаштириш цехи ходими;
2-ўрин - Файзуллаев Акром Бегматович - "Геолог" М ва ССМ ходими;
3-ўрин - Арабов Шароф Нурқулович - Электр таъминоти цехи ходими;
“Энг яхши ёш шахматчи” номинацияси ғолиби - Ражабов Ботир Бойқувватович - ШГКМ Ишлаб чиқариш қувватини кенгайтириш лойиҳаси ходими.
Мусобақа якунига бағишланган тадбирда мажмуа маъмурияти ва Касаба уюшма қўмитаси томонидан ғолиб ва совриндорларга диплом ва пул мукофотлари топширилди.
