“Шўртан ГКМ” МЧЖда таълим имкониятлари тақдимоти
Жорий йилнинг 16 июль куни “Шўртан газ кимё мажмуаси” МЧЖда Д.И.Менделеев номидаги Россия кимё-технология университетининг Тошкентдаги филиали вакиллари иштирокида 2025/2026 ўқув йили учун қабул жараёнларига оид тақдимот бўлиб ўтди.
Тадбирда мажмуа раҳбарияти ва ёш мутахассислар иштирок этди.
Тақдимот давомида корхона ходимларига:
🔹 таълим йўналишлари,
🔹 ўқиш шакллари,
🔹 давлат гранти (бюджет) ва тўлов-шартнома асосида ўқиш имкониятлари,
🔹 ўқиш жараёнидаги афзалликлар ҳақида батафсил маълумотлар берилди.
Тадбир очиқ мулоқот тарзида ўтказилиб, унда мажмуа ходимлари ва университет вакиллари ўртасида самарали фикр алмашиш, савол-жавоб қилиш ҳамда икки томон учун манфаатли мулоқотни амалга ошириш имконияти яратилди.
Бундай учрашувлар ходимларнинг ўзлари ва фарзандлари учун сифатли таълим танлашига, касбий билим ва малакаларини оширишга хизмат қилади.
