May 25, 2022
Shoʼrtan gaz kimyo majmuasida onlayn shaxmat chempionatiga start berildi
Shoʼrtan gaz kimyo majmuasida Oʼzbekiston Respublikasi Prezidentining 2021-yil 14-yanvardagi “Shaxmatni yanada rivojlantirish va ommaviylashtirish chora-tadbirlari toʼgʼrisida”gi qarori ijrosini taʼminlash hamda ishchi-xodimlar oʼrtasida sogʼlom turmush tarzini targʼib qilish, ularning jismonan va ruhan tetik boʼlishlarini taʼminlash maqsadida onlayn tezkor shaxmat chempionatiga start berildi.
Shaxmatning "Blitz" yo‘nalishi boʼyicha onlayn tarzda oʼtkazilayotgan musobaqada majmuaning sex, bo‘lim, xizmat va tarmoqlarida mehnat faoliyatini olib borayotgan 28 nafar ishchi-xodimlar 27-tur doirasida oʼzaro bahslashishlari rejalashtirilgan bo'lib, ayni paytga qadar 3 ta tur baxslari yakunlandi. Quyida tur natijalari bilan tanishishingiz mumkin.
