"Янги Ўзбекистонда янги саргузаштлар" 

Ўзбекистон касаба уюшмалари федерациясига қарашли “Лочин” болалар соғломлаштириш оромгоҳида 2024 йилнинг биринчи мавсуми бошланди.

Оромгоҳда ёш авлодни ҳар томонлама баркамол тарбиялаш, уларнинг интеллектуал салоҳиятини юксалтириш, спорт билан шуғулланиши ва мароқли дам олиши учун барча шарт-шароитлар яратилган.

2024 йилги ''Янги Ўзбекистонда янги саргузаштлар'' деб номланган мавсумнинг биринчи оқимида "Шўртан газ кимё мажмуаси" МЧЖ ишчи-ходимларининг 650 нафар фарзандлари, шунингдек ижтимоий ҳимояга муҳтож оилалар фарзандлари ва "меҳрибонлик уйи" тарбияланувчилари ҳамда турдош корхоналар ходимларининг 193 нафар фарзандларидан иборат, жами 843 нафар болажонлар дам олишмоқда.

Оромгоҳда болаларнинг ўқишдан ташқари вақтини сермазмун ўтказиш, уларнинг ҳам жисмоний, ҳам руҳий жиҳатдан ҳордиқ чиқаришларини таъминлашга қаратилган 15 дан ортиқ маънавий-маърифий ҳамда спорт тўгараклари ташкил этилган.

Шаҳрисабз шаҳрининг пурвиқор тоғлари бағрида жойлашган "Лочин" болалар дам олиш оромгоҳида 12 кунлик дам олиш, болажонларнинг ҳаётида унутилмас хотиралар, яхши таассуротлар билан эсда қолиши учун оромгоҳ маъмурияти астойдил ҳаракат қилишмоқда!

«Шўртан газ кимё мажмуаси» МЧЖ Матбуот хизмати
|web-sayt|telegram|YouTube|