Шўртан газ кимё мажмуаси Касаба уюшма қўмитаси жамоасида қўшалоқ байрам!
Хабарингиз бор, Ўзбекистон Республикасининг 2020 йил 23 ноябрдаги ЎРҚ-648-сон қонунига мувофиқ, Ўзбекистон Республикасида 11 ноябрь - "Ўзбекистон касаба уюшмалари куни" этиб белгилан.
Шу муносабат билан Ўзбекистон энергетика, нефт-газ ва геология ходимлари касаба уюшмаси Республика кенгаши томонидан байрам тадбири ташкил этилди. Тадбирда тизимидаги ташкилотлар ўртасида йил давомида ўтказилган танловлар ғолиблари ҳамда тизимда ҳалол ва фидокорона меҳнатлари билан юрт тараққиётига муносиб ҳисса қўшиб келаётган бир гуруҳ соҳа ходимлари Республика кенгаши томонидан тақдирландилар.
Қувонарли томони "Шўртан газ кимё мажмуаси" МЧЖ Касаба уюшма қўмитаси жамоаси Ўзбекистон энергетика, нефт-газ ва геология ходимлари касаба уюшмаси тизимидаги ташкилотлар ўртасида ўтказилган "Энг яхши ижтимоий шерик" кўрик танлови ғолиби деб топилиб, Республика кенгаши томонидан диплом ва эсдалик совғалар билан тақдирландилар.
Шунингдек, сана муносабати билан, Ўзбекистон касаба уюшмалари федерацияси Қашқадарё вилояти кенгаши томонидан тантанали байрам тадбири ташкил этилди. Унда вилоят ҳокими Муротжон Азимов сўзга чиқиб, барчани касаба уюшмалари куни билан самимий қутлади.
Тадбир давомида таниқли санъаткорлар томонидан саҳналаштирилган концерт дастурлари бўлиб ўтди ва йиғилганларга ҳуш кайфият улашилди. Шундан сўнг, кўп йиллар фидойи меҳнатлари билан обрў қозонган вилоятимиздаги бир гуруҳ соҳа вакиллари ташаккурнома ва қимматбаҳо совғалар билан тақдирландилар.
Ушбу тадбир ҳам жамоамиз учун қувончли ва ютуқли бўлди, мажмуа Касаба уюшма қўмитаси раиси Туракулов Азамат Исматуллаевич вилоят ҳокимлиги томонидан "Энг илғор саноат ходими-2024" номинацияси ғолиби деб топилди ва вилоят раҳбари томонидан муносиб тақдирланди.
Ушбу ютуқлар билан мажмуа маъмурияти ва кўп минг сонли ишчи-ходимлар номидан Азамат Исматуллаевични ҳамда мажмуа Касаба уюшма қўмитаси жамоасини табриклаймиз ва жамоанинг келгуси фаолиятларида улкан зафарлар тилаб қоламиз!
