Шўртан газ кимё мажмуаси ёшлари ўртасида Киберспорт бўйича мусобақа ўтказилди
Айни пайтда бутун дунёда бўлгани каби юртимизда ҳам киберспорт тури оммалашиб бормоқда.
Хусусан, "Шўртан газ кимё мажмуаси" МЧЖ да ҳам ишчи-ходимларнинг бўш вақтларини мазмунли ўтказиш, киберспортни хавфсиз ривожлантириш ва оммалаштириш бўйича экотизим яратиш, мусобақалар ва турнирларни тизимли равишда ўтказиш орқали иқтидорли ёшларни аниқлаш, танлаш ва саралаш мақсадида ёшлар ўртасида "Counter-Strike 1.6" киберспорт тури бўйича мусобақа ўтказилди.
Мусобақа 2 босқичда ўтказилиб, унда ҳар бир гуруҳда 5 нафардан иштирокчиси бўлган 11 та жамоа ғолиблик учун учун беллашишди.
Қизғин ва муросасиз кечган мусобақанинг якуний натижаларига кўра 2-жамоа мусобақа чемпиони бўлди.
Маълумот учун, мазкур мусобақа иштирокчилари орасидан 5 кишилик терма жамоа тузилиб, 2024 йил 11-12 ноябрь кунлари "Ўзбекнефтгаз" АЖда бўлиб ўтадиган Киберспорт чемпионати - "UNG СуbегGаmеs-2О24" мусобақасида иштирок этади.