Шўртан нефть ва газ қазиб чиқариш бошқармасига қарашли конларда навбатчилик соатларини ўтаётган ишчи-ходимларга байрамона қувонч улашилди
Шўртан газ кимё мажмуаси жамоаси учун байрам арафаларида "Ҳамжиҳатликда қувонч улашамиз!" шиори остида хайрли тадбирларни амалга ошириш анъанага айланган. Жорий йилда ҳам ушбу анъана давом эттирилиб, бир қатор хайрли ташаббуслар амалга оширилмоқда.
Жумладан, мажмуа раҳбарияти томонидан янги йил байрами муносабати билан "Ўзбекнефтгаз" АЖ тасарруфидаги Шўртан нефть ва газ қазиб чиқариш бошқармасига қарашли конларда ўз навбатчилик вақтида хизмат бурчини адо этаётган ишчи-ходимларга байрамона қувонч улашиш мақсадида озиқ-овқат маҳсулотлари ҳамда байрам совғалари улашилди.
Кон ишчи-ходимлари мазкур эътибор ва ғамхўрлик учун ўз миннатдорчиликларини изҳор этишар экан, мажмуа раҳбариятига самимий ташаккур билдирдилар. Улар ўз навбатида, мажмуа жамоасининг масъулиятли меҳнатини қадрлашларини ҳамда жамоанинг меҳнат жараёнидаги ҳамжиҳатлик ва бирдамлик руҳини юқори баҳолашларини алоҳида таъкидлаб ўтишди.
Шўртан газ кимё мажмуаси томонидан амалга оширилган бундай хайрли ишлар жамоанинг нафақат иш жараёнида, балки ижтимоий фаолиятида ҳам масъулиятли ёндашувини яна бир бор намоён этади.
Шўртан газ кимё мажмуаси жамоаси барчани байрам муносабати билан самимий табриклайди! Янги йилда барчага тинчлик, фаровонлик ва улкан ютуқлар тилаймиз!