"Шўртан ГКМ" МЧЖ Полиэтилен ишлаб чиқариш цехининг Реакция қурилмаси, FF-2101 A/B циклогексанни тозалаш аппаратида силикагель ва алюминий оксиди кимёвий реагентларини алмаштириш ишлари олиб борилди
"Шўртан газ кимё мажмуаси" МЧЖ Полиэтилен ишлаб чиқариш цехининг Реакция қурилмаси, FF-2101 А/B - циклогексан кимёвий реагентини тозалаш аппаратида силикагель ва алюминий оксиди кимёвий реагентларини алмаштириш ишлари олиб борилди.
Полиэтилен ишлаб чиқариш цехида жойлашган реакция қурилмасининг FF-2101 A/B аппарати 1999 йилда Япониянинг йирик "TOYO Enjinering" компанияси томонидан лойиҳаланган ва ишлаб чиқарилган бўлиб, 2000 йилда мажмуага олиб келтирилган ва ўрнатилган.
FF-2101 A/B (очистител ) аппаратининг вазифаси "Sсlairtech" технологияси асосида циклогексан реагентининг таркибидаги кетон ва намликларни тутиб қолишдан иборатдир. Бунинг учун Силикагель, Алюминий оксиди ва кичик ўлчамлардаги керамик шарлар кетма-кет қатламлар ҳолатида аппаратга юкланади. Агарда кетон ва намликлар технологик жараёнда ушлаб қолинмаса, бу ҳолат полиэтилен ишлаб чиқариш жараёнида иштирок этадиган қимматбаҳо катализаторларнинг меъёрий сарфларини ошишига олиб келиб, ишлаб чиқариш самарадорлигига салбий таъсир кўрсатади.
Ушбу аппарат учун кимёвий реагентлар бугунги кунгача турли чет давлатлардан олиб келинади. Хусусан, Циклогексан кимёвий реагенти Россия давлатидан олиб келинса Алюминий оксиди кимёвий реагенти Канада давлатидан келтирилади. Ушбу кимёвий реагентларни етказиб келтириш одатда жуда қийин ва узоқ муддат талаб этади. Охирги йилларда мажмуада олиб борилаётган маҳаллийлаштириш дастурига асосан кимёвий реагентларнинг маълум бир қисми, хусусан 6 мм, 12 ва 20 мм ўлчамдаги керакмик шарлар Тошкент шаҳрида жойлашган Қуёш физикаси илмий текшириш институти томонидан етказиб берилмоқда.
Ишлаб чиқариш барқарорлигини ва самарадорлигини сақлаб қолиш мақсадида мажмуанинг йиллик чора-тадбирлар режасига кўра йил давомида икки марта FF-2101 A/B аппарати ичидаги кимёвий реагентлар алмаштирилиши белгилаб олинган.