October 7, 2022
Шўртан газ кимё мажмуасида режа асосида жорий таъмирлаш ишлари амалга оширилмоқда
Шўртан газ кимё мажмуасида режали жорий таъмирлаш ишларини амалга ошириш мақсадида қабул қилинаётган газ босқичма-босқич камайтирилиб, технологик қурилма ва жиҳозларда таъмирлаш ишлари бошлаб юборилди.
Хусусан, Этилен ишлаб чиқариш цехидаги газларни ажратиш қурилмаларида:
- Абсорберни пропарка қилиш, ювиш, тозалаш ва техник кўрикдан ўтказиш;
- Десорберни пропарка қилиш, ювиш, тозалаш ва техник кўрикдан ўтказиш;
- Этилен ишлаб чиқариш цехидаги кириш фильтрларини хавфсиз ва узлуксиз ишлашини таъминлаш мақсадида профилактик кўрикдан ўтказиш ва шунга ўхшаш бир қатор ишлар амалга оширилмоқда.
Полиэтилен ишлаб чиқариш цехидаги Реакция ва рецикл қурилмасида:
- Ректификацион колонна тозалаш 1-19 гача тарелкаларини ва клапанларини текшириш ва эррозия бўлганларини алмаштириш;
- Адсорберни ички қисми сеткасини ювиш ва тозалаш;
- Зичлов қисмларини кўрикдан ўтказиш ва техник хизмат кўрсатиш каби ишлар амалга оширилмоқда.
Буғ газ ҳаво таъминоти цехидаги Марказий қозонхона қурилмасида:
- "Marland Cecon" муфта агрегатини янгисига алмаштириш;
- ШГКМ ва "Uzbekistan GTL" заводи оралиғидаги юқори босимли буғ қувури уланиш нуқтасини монтаж қилиш;
- Вентилятор редуктор ва электродвигателига техник хизмат кўрсатиш ва таъмирлаш каби кўплаб ишлар амалга оширилмоқда.
Шунингдек, чет эллик ҳамда ва турдош корхоналардан жалб қилинган мутахассислар кўмагида:
- Япониянинг "Mitsubishi Corporation" ҳамда SIEMENES ENERGY компанияларининг малакали мутахассислари буғ турбиналари таъмирланмоқда;
- "Maxsusenergogaz"AJ мутахассислари иштирокида 1700 ҳудуддаги Амин билан тозалаш қурилмаси линясини модернизация қилиш ишлари олиб боришмоқда;
- "Бухоро нефтни қайта ишлаш заводи" МЧЖ мутахассислари иштирокида иссиқлик алмашиш аппаратларини ювиш ишлари бажарилмоқда.
Таъкидлаб ўтиш жоизки, режали жорий таъмирлаш ишлари келгусида ишлаб чиқариш жараёнларида вужудга келиши мумкин бўлган нохуш ҳодисаларнинг олдини олиш ҳамда технологик қурилма ва ускуналарнинг узоқ муддат сифатли ва самарали ишлашини таъминлашга ёрдам беради.